લ્યો બોલો, આ દિગ્ગજ ક્રિકેટરે તો LIVE મેચમાં હદ વટાવી દીધી, લાત મારી સ્ટમ્પ વખોડી નાંખ્યા
ક્રિકેટ વિશ્વને માટે અણગમતી ઘટનાનો આ અંજામ બાંગ્લાદેશમાં રમાઈ રહેલી ઢાકા પ્રિમિયર લીગ (Dhaka Premier League)માં સર્જાયો હતો.
કેટલાક બોલરને ક્રિકેટમાં પોતાની અપીલ પર વિકેટ જાણે કે મળવી જ જોઈએ તેવો ઘમંડ હોય છે. આવો ઘમંડ સ્વાભાવિક છે ક્રિકેટમાં જવલ્લે જ જોવા મળ છે. પરંતુ જેન્ટલ ગેમ ગણાતી ક્રિકેટની દુનિયા સાથે જોડાયેલા ક્રિકેટર, અંપાયરથી માંડીને વિશ્લેષકો ખૂબ જ આશ્વર્ય પામતા હોય છે. કારણ કે તેવા બોલરને મન પોતાની અપીલ દરેકવાર સાચી જ ઠેરવવાનો પ્રયાસ કરતા હોય છે. બાંગ્લાદેશ (Bangladesh)ના દિગ્ગજ ગણાતા ઓલરાઉન્ડર શાકિબ હસને (Shakib Al Hasan) આવી જ હરકત કરી છે.
ક્રિકેટ વિશ્વને માટે અણગમતી ઘટનાનો આ અંજામ બાંગ્લાદેશમાં રમાઈ રહેલી ઢાકા પ્રિમિયર લીગ (Dhaka Premier League)માં સર્જાયો હતો. ઓલરાઉન્ડર શાકિબ અલ હસને કંઈક એવુ કર્યુ કે તે ક્રિકેટર્સ માટે શરમજનક ઘટના બની રહી. સામાન્ય રીતે બોલર પોતાના બોલ વડે સ્ટમ્પને ઉખાડી નાંખવા માટે જીંદગીભર મહેનત કરતો રહે છે. પરંતુ શાકિબે તો લાત મારીને સ્ટમ્પને વખોડી કાઢ્યા અને એ પણ અંપાયર સામે રોષ વ્યક્ત કરીને.
શાકિબે 11 જૂને રમાયેલી લીગની મેચમાં આ કૃત્ય કર્યુ હતુ. મોહમ્મડન સ્પોર્ટીંગ (Mohammedan Sporting) અને અબાહની લીમીટેડ (Abahani Limited) વચ્ચે મેચ રમાઈ હતી. બાંગ્લાદેશના પૂર્વ કેપ્ટન અને વિશ્વનો નંબર વન ઓલરાઉન્ડર શાકિબે મેચ દરમ્યાન જાણે કે ગુંડાગીરી જેવો વ્યવહાર કરી દીધો. શાકિબે પોતાની દાદાગીરી એક વખત નહીં બે વાર દેખાડી દીધી હતી.
વરસાદને લઈને પ્રભાવિત થયેલી આ મેચમાં મોહમ્મડન સ્પોર્ટીંગની કેપ્ટનશીપ નિભાવી રહેલા શાકિબે સૌથી પહેલા પાંચમી ઓવરમાં દાદાગીરી ભર્યુ કૃત્ય કર્યુ. પોતાની ઓવરના અંતિમ બોલ પર બેટ્સમેન LBW આઉટ હોવાની અપીલ કરી હતી. જોકે અંપાયરે તેને નોટ આઉટ આપ્યો હતો. ગુસ્સામાં આવેલા શાકિબે તરત જ અંપાયરની સામે સ્ટમ્પ પર જોરથી લાત મારી અને જોર જોરથી બોલવા લાગ્યો હતો. હજુ તો આ મામલો માંડ ઠર્યો ત્યાં આગળની ઓવરમાં ફરીથી હદ વટાવી.
બીજી વાર સ્ટમ્પ પછાડી ફેંક્યા
છઠ્ઠી ઓવરના પાંચમાં બોલે વરસાદને લઇને અંપાયરે મેદાન પર કવર્સ લાવવા માટે ઈશારો કર્યો હતો. શાકિબ તે જોઈને ભડકી ઉઠ્યો અને દોડીને સીધો જ અંપાયર પાસે આવી પહોંચ્યો હતો. જ્યાં તેણે ત્રણેય સ્ટંપ્સ ઉખાડીને જોરથી પીચ પર જ પછાડ્યા હતા. ત્યારબાદ એક સ્ટંપ ઉઠાવીને ફરીથી લગાવી દીધુ હતુ. DPL 2021ની મેચ સોશિયલ મીડિયા પર લાઈવ પ્રસારીત થઈ રહી હતી. એવામાં શાકિબની હરકતોનો વીડિયો ખૂબ વાયરલ થવા લાગ્યો છે. સાથે જ તેની સામે કાર્યવાહીની માંગ કરાઈ છે.
Genuinely unbelievable scenes…
Shakib Al Hasan completely loses it – not once, but twice!
Wait for when he pulls the stumps out 🙈 pic.twitter.com/C693fmsLKv
— 7Cricket (@7Cricket) June 11, 2021
વિરોધનું વંટોળ સર્જાતા માફી માંગી લીધી
પોતાની અશોભનીય હરકતોને લઈને વિરોધનું વંટોળ ઉભુ થતાં માફી માંગી હતી. પોતાના ફેસબુક પેજ પર એક પોસ્ટ લખીને માફી માંગી હતી અને કહ્યું કે આવુ ફરી નહીં થાય. શાકિબે લખ્યુ હતુ કે, મને મારા રોષને જાહેર કરવાનો અને ઘરે બેસીને મેચ જોઈ રહેલા લોકોને તેમના આનંદને ખલેલ પહોંચાડ્યાની દીલગીરી છે.
મારા જેવા અનુભવી ખેલાડીએ આ પ્રકારે પ્રતિક્રિયા જાહેર નહીં કરવી જોઈતી હતી. જોકે કેટલીકવાર વિપરીત પરિસ્થિતીઓમાં દુર્ભાગ્યવશ આમ થઈ જાય છે. હું ટીમો, મેનેજમેન્ટ, ટૂર્નામેન્ટના અધિકારીઓ અને આયોજન સમિતિથી આ માનવીય ભૂલને માટે માફી માંગુ છુ. આશા છે કે, ભવિષ્યમાં હું ફરીથી આવુ નહીં કરુ.