Viral video : સોશિયલ મીડિયા પર છવાયું “પુષ્પા”ના શ્રીવલ્લી ગીતનું ભોજપુરી વર્ઝન, લોકોએ કહ્યું- ખૂબ જ સુંદર
શ્રીવલ્લીના ભોજપુરી વર્ઝનનો વીડિયો IAS ઓફિસર અવનીશ શરણ દ્વારા તેમના ટ્વિટર પર શેર કરવામાં આવ્યો છે અને કેપ્શનમાં લખ્યું છે, 'ભોજપુરીમાં આટલું મધુર ગીત... વાહ'.
સાઉથની ધમાકેદાર ફિલ્મ ‘પુષ્પા’ (Pushpa) આ દિવસોમાં પૂરજોશમાં છે. અને માત્ર ફિલ્મ જ નહીં પરંતુ તેનું ગીત ‘શ્રીવલ્લી’ (Srivalli song)પણ લોકોને પસંદ આવી રહ્યું છે. તે દરેકની જીભ પર છે. સોશિયલ મીડિયા પર આ ગીત પર જોરશોરથી રીલ્સ બનાવવામાં આવી રહી છે અને લોકો આ ગીતને પોત-પોતાની સ્ટાઈલમાં ગાઈ રહ્યા છે અને પર્ફોર્મ કરી રહ્યા છે. આ ગીતની લોકપ્રિયતાનો અંદાજ તમે એ વાત પરથી લગાવી શકો છો કે તેનું ભોજપુરી વર્ઝન પણ આવી ગયું છે. જેને લોકો ખૂબ પસંદ કરી રહ્યા છે. જો કે શ્રીવલ્લી ગીત સિદ શ્રીરામે ગાયું છે, જ્યારે તેનું હિન્દી વર્ઝન બોલિવૂડના પ્રખ્યાત ગાયક જાવેદ અલી (Javed Ali) એ ગાયું છે અને હવે તેનું ભોજપુરી વર્ઝન પણ માર્કેટમાં આવી ગયું છે અને તે આવતાની સાથે જ સોશિયલ મીડિયા છવાયું હતું.
શ્રીવલ્લીના ભોજપુરી વર્ઝનનો વીડિયો થયો વાઈરલ
શ્રીવલ્લીના ભોજપુરી વર્ઝનનો વીડિયો IAS ઓફિસર અવનીશ શરણ દ્વારા તેમના ટ્વિટર પર શેર કરવામાં આવ્યો છે અને કેપ્શનમાં લખ્યું છે, ‘ભોજપુરીમાં આવું એક મધુર ગીત… વાહ’. ભોજપુરીમાં આવા મીઠા ગીતો સાંભળવા સામાન્ય રીતે સરળ નથી. આવી સ્થિતિમાં આ ગીતની પ્રશંસા કરવામાં આવે છે. આ વીડિયો જોયા પછી અને ગીત સાંભળ્યા પછી તમને લાગશે કે આ ગીત ખરેખર ખૂબ જ સુંદર છે અને તેને ખૂબ જ સુંદર રીતે ગાયું છે.
भोजपुरी में इतना मधुर गीत…वाह.❤️ pic.twitter.com/7WV36Yti8G
— Awanish Sharan (@AwanishSharan) February 7, 2022
2 મિનિટ 20 સેકન્ડના આ વીડિયોને આ સમાચાર લખાયા ત્યાં સુધીમાં 68 હજારથી વધુ વખત જોવામાં આવ્યો છે, જ્યારે 6 હજારથી વધુ લોકોએ વીડિયોને લાઈક પણ કર્યો છે.
લોકોએ ગીત સાંભળ્યા પછી વિવિધ પ્રકારની પ્રતિક્રિયાઓ આપી છે. એક યુઝરે લખ્યું છે કે, ‘પહેલીવાર છેલ્લે સુધી ભોજપુરી ગીત સાંભળ્યું… તે ખૂબ જ અદ્ભુત છે’, જ્યારે બીજા યુઝરે કોમેન્ટ કરી, ‘ભોજપુરી ભાષામાં જે મીઠાશ, લગાવ, સન્માન અને પ્રેમ છે, તે બીજી કોઈ ભાષામાં નથી. જ્યારે એક યુઝરે લખ્યું છે, ‘વાહ ખૂબ જ સુંદર રજૂઆત. તમે આ ગીત આવા મધુર અવાજમાં ગાયું છે. મન પ્રસન્ન થઈ ગયું.’
આ પણ વાંચો: Sholay : ઠાકુરનો રોલ કરવા માંગતો હતો ધર્મેન્દ્ર, વાંચો ફિલ્મ શોલે સાથે જોડાયેલી કેટલીર રસપ્રદ વાતો
