ઓ મેડમ નંબર પ્લેટ કયા? રાજકોટમાં ગુજરાત પોલીસની ટી-શર્ટ પહેરી નંબર પ્લેટ વગર વાહન ચલાવતી મહિલાનો વીડિયો વાયરલ

રાજકોટમાંથી એક વીડિયો સોશિયલ મીડિયા પર વાયરલ થયો છે જેમાં એક મહિલા ગુજરાત પોલીસ લખેલું ટી-શર્ટ પહેરીને નંબર પ્લેટ વગરનું વાહન ચલાવતી જોવા મળી રહી છે. આ વીડિયોમાં મહિલાએ હેલ્મેટ પણ પહેર્યું નથી, જેના કારણે ટ્રાફિક નિયમોના ઉલ્લંઘન પર અનેક સવાલો ઉઠી રહ્યા છે.

આ ઘટના ખાસ કરીને ત્યારે ચર્ચાનો વિષય બની છે જ્યારે રાજકોટ પોલીસ કમિશનરે નંબર પ્લેટ નહીં તો ઇંધણ નહીં જેવું જાહેરનામું બહાર પાડ્યું છે. આવા જાહેરનામાના અમલ વચ્ચે જ ગુજરાત પોલીસ સાથે સંકળાયેલા નામવાળું ટી-શર્ટ પહેરેલી વ્યક્તિ દ્વારા નિયમોનો ભંગ થતો હોવાનું જોવા મળતા સામાન્ય જનતામાં અનેક પ્રશ્નો ઉભા થયા છે.

નંબર પ્લેટ વગરના વાહન અને હેલ્મેટ વગર સવારી કરતા આ વીડિયોથી ટ્રાફિક નિયમોના કડક અમલીકરણ પર ભાર મુકવામાં આવી રહ્યો છે. આ વીડિયોને કારણે પોલીસે પણ આ મામલે તપાસ હાથ ધરી શકે છે.

ભાવનગરના લઠ્ઠાકાંડ પર નીતિન પટેલનું નિવેદન, કહ્યું- ‘સરકાર અને પોલીસ સતત કાળજી રાખે છે’