Breaking News : વડોદરામાં ગેંડા સર્કલ પર ચઢ્યો યુવક, હાઈવોલ્ટેજ ડ્રામા સર્જાયો, જુઓ Video

વડોદરાના ફતેગંજ વિસ્તારમાં આવેલા સફ્રોન ટાવર નજીક ગેંડા સર્કલ પર એક યુવક ચઢી જતાં હાઈવોલ્ટેજ ડ્રામા સર્જાયો હતો. આ ઘટનાને પગલે સમગ્ર વિસ્તારમાં અફરાતફરીનો માહોલ જોવા મળ્યો હતો. યુવક સર્કલ પર ચઢી જતાં ઘટનાસ્થળે લોકોના ટોળેટોળા એકત્રિત થઈ ગયા હતા અને લોકોમાં ભારે કુતૂહલ સર્જાયું હતું.

સ્થાનિકો દ્વારા આ ઘટનાનો વીડિયો પણ ઉતારવામાં આવ્યો હતો, જે સોશિયલ મીડિયા પર વાયરલ થયો હતો. યુવકની આ અસામાન્ય હરકતને કારણે આ વિસ્તારમાં ભારે ચર્ચા શરૂ થઈ હતી. જોકે, યુવક કયા કારણોસર સર્કલ પર ચઢ્યો હતો તે અંગે કોઈ સ્પષ્ટતા થઈ શકી નથી.

પ્રાથમિક તબક્કે, ઘટનાસ્થળે હાજર કેટલાક લોકોએ યુવકને સમજાવીને નીચે ઉતારવાનો પ્રયત્ન કર્યો હતો, પરંતુ તે નિષ્ફળ રહ્યો હતો. ત્યારબાદ, પરિસ્થિતિને કાબૂમાં લેવા માટે પોલીસને જાણ કરવામાં આવી હતી. પોલીસે તાત્કાલિક સ્થળ પર પહોંચી યુવકને સુરક્ષિત રીતે નીચે ઉતારવાના પ્રયાસો હાથ ધર્યા હતા. વડોદરામાંથી સામે આવેલી આ ઘટનાએ ફરી એકવાર લોકોનું ધ્યાન ખેંચ્યું છે.

હોસ્પિટલનું બિલ કે ઘરની હરાજી? એક બીમારી પરિવારને કેટલી મોંઘી પડે?