સુરત વીડિયો: ફાઈનાન્સ કંપનીમાં મહિલાઓના ગ્રુપ લોનના 22 લાખની કરી ઠગાઈ, મેનેજર ફરાર, ડેવલપમેન્ટ ઓફિસરની કરાઈ ધરપકડ

રાજ્યમાં અવારનવાર છેતરપિંડીની ઘટના સામે આવતી હોય છે. ત્યારે સુરતમાં પણ આ પ્રકારની ઘટના સામે આવી છે. સુરતમાં ફાઇનાન્સ કંપનીમાં મહિલાઓ સાથે ઠગાઇનો કેસ સામે આવ્યો છે. મહિલાઓના ગ્રુપ લોનના 22 લાખ લઇ જનાર શખ્સ પકડાયો છે. જેમાં કંપનીના ડેવલપમેન્ટ ઓફિસર આકાશ પાંડેની ધરપકડ કરવામાં આવી છે.

કંપનીના મેનેજર સલમાનને પોલીસે વોન્ટેડ જાહેર કર્યો છે. આકાશ પાંડેએ સલમાન સાથે મળીને ઠગાઈ આચરી હતી. ફાઇનાન્સ કંપનીમાં ઓછા દરે મહિલાઓને લોન અપાતી હતી. બંને શખ્સોએ ખોટા નામ બતાવીને લોન ઉપાડી હતી. આ ઉપરાંત ડેવલપમેન્ટ ઓફિસર આકાશ પાંડે રિકવરીનું કામ કરતો હતો. તેમજ તે હપ્તાના પૈસા ઉઘરાવ્યા બાદ કંપનીમાં જમા ન કરાવી ઠગાઇ આચરતો હતો.