સુરત: બનાવટી ચલણી નોટો સાથે એક આરોપીની ધરપકડ કરી છે. આ શખ્શ નાના ડરની નોટ છાપતો હતો જેના પર સામાન્યરીતે લોકો ધ્યાન આપતા નથી. ગુનામાં તેના અન્ય એક સાગરીતને વોન્ટેડ જાહેર કરવામાં આવ્યો છે.
સુરત પોલીસ દ્વારા આરોપી પાસેથી રૂપિયા 100ના દરની 259 બનાવટી ચલણી નોટો કબ્જે કરવામાં આવી છે. આ ઉપરાંત પ્રિન્ટર, 75 બનાવટી ચલણી નોટો છાપાવાના કાગળો સહિતનો મુદ્દામાલ જપ્ત કરવામાં આવ્યો છે.
ગુનામાં સંડોવાયેલા વોન્ટેડ આરોપી સલમાન અહેમદ સાથે મળી નોટ છાપવાનું શરૂ કર્યું હતું. આરોપીઓ નોટ શાકભાજી બજાર અને નાના સ્ટોરમાં વટાવતા હતા. આરોપીઓ બનાવટી ચલણી નોટો વટાવી અસલી નોટો પણ મેળવતા હતા.આરોપીઓ છ માસથી બનાવટી ચલણી નોટોનો કાળો કારોબાર કરતા હતા.