સુરતમાં નિલેશ કુંભાણી સામે કોંગ્રેસ કાર્યકરોનો રોષ હજુ સમવાનો નામ લઇ રહ્યો નથી. સુરતના કેટલાક વિસ્તારોમાં નિલેશ કુંભાણી વિરુદ્ધ બેનર લાગ્યા છે. આ બેનરમાં નિલેશ કુંભાણી અને સુરેશ પડસાલાના ફોટા સાથે “ઠગ ઓફ સુરત” લખવામાં આવ્યું છે.
બેનરમાં નિલેશ કુંભાણી અને સુરેશ પડસાલાના ફોટા સાથે લખાયું “ઠગ ઓફ સુરત”. કુંભાણીના કારણે સુરત બેઠક બિનહરીફ થયાનો કાર્યકરોનો આરોપ છે. મહત્વનું છે કે ઉમેદવારી પત્રમાં નિષ્કાળજી બદલ નિલેશ કુંભાણીને કોંગ્રેસે સસ્પેન્ડ કર્યા છે.
બીજીતરફ સુરત લોકસભા બેઠક માટે કોંગ્રેસના ગેરલાયક ઠરેલા ઉમેદવાર નિલેશ કુંભાણી સુરત સ્થિત તેમના ઘરે પહોંચ્યા હતા પરંતુ ગુરુવારે તેમણે મીડિયાને મળવાની ના પાડી હતી.સરથાણામાં બિલ્ડીંગની આસપાસ કોઈ ગેરકાનૂની પરિસ્થિતિ ન સર્જાય તે માટે તેમના એપાર્ટમેન્ટમાં ભારે પોલીસ બંદોબસ્ત ગોઠવવામાં આવ્યો હતો.
આ પણ વાંચો : ભરૂચના પરિવારે સુરતની નહેરમાં પડતું મૂકી સામુહિક આપઘાત કર્યો, મૃતકોમાં અઢી વર્ષના બાળકનો પણ સમાવેશ