Gujarati Video : કચ્છમાં સતત આઠમા દિવસે વરસાદી માહોલ, ભર ઉનાળે કુંડી ધોધ વહેવા લાગ્યો
Kutch News : હવામાન વિભાગે વધુ ત્રણ દિવસ વરસાદી માહોલ રહેવાની આગાહી કરી છે. આગાહી વચ્ચે આજે કચ્છમાં ધોધમાર વરસાદ વરસી રહ્યો છે.
ગુજરાતમાં છેલ્લા ઘણા સમયથી કમોસમી વરસાદનો કહેર જોવા મળી રહ્યો છે. ખેડૂતોના માથેથી આ મુસીબત ઓછુ થવાનું નામ જ નથી લઇ રહી ત્યારે હવામાન વિભાગે વધુ ત્રણ દિવસ વરસાદી માહોલ રહેવાની આગાહી કરી છે. આગાહી વચ્ચે આજે કચ્છમાં ધોધમાર વરસાદ વરસી રહ્યો છે. કચ્છ જિલ્લામાં અલગ અલગ વિસ્તારોમાં સતત આઠ દિવસથી વરસાદી માહોલ જોવા મળી રહ્યો છે.
આ પણ વાંચો-Ahmedabad: જુગાર રમવાની કુટેવમાં યુવતી પર વિધર્મી યુવકે દુષ્કર્મ આચર્યું, ફરિયાદ બાદ યુવકની ધરપકડ
કચ્છમાં સતત કમોસમી વરસાદ વરસી રહ્યો છે. માંડવીમાં ગઢશીશા પંથકમાં ભારે વરસાદ વરસ્યો છે. નખત્રાણા પંથકમાં પણ વરસાદ નોંધાયો છે. દેશલપર, વિરાણી અને નખત્રાણામાં વરસાદી માહોલ જોવા મળી રહ્યો છે. વરસાદના પગલે કચ્છના લખપતમાં ભર ઉનાળે પાણીના ધોધ વહેવા લાગ્યા છે. લખપત તાલુકામાં પડેલા કમોસમી વરસાદ બાદનો નજારો સામે આવ્યો છે. જુનાચાય નજીક આવેલ કુંડી ધોધમાં પાણીનું જોરદાવ વહેણ જોવા મળી રહ્યુ છે.
ગુજરાતના તમામ સમાચાર અને બ્રેકિંગ ન્યૂઝ ગુજરાતીમાં વાંચો tv9gujarati.com પર
તથા ગુજરાત ના તમામ જિલ્લાના સમાચાર વાંચવા માટે જોડાયેલા રહો…
