Rain Report : છેલ્લા 24 કલાકમાં 172 તાલુકામાં ખાબક્યો વરસાદ, સૌથી વધુ વાપીમાં 7 ઈંચ વરસાદ પડ્યો, જુઓ Video

ગુજરાતના મોટાભાગના વિસ્તારોમાં વરસાદ પડ્યો છે. છેલ્લા 24 કલાકમાં રાજ્યના 172 તાલુકામાં વરસાદ વરસ્યો છે. સૌથી વધુ વલસાડના વાપીમાં 7 ઈંચ વરસાદ વરસ્યો છે. વલસાડના કપરાડામાં 6.5 ઈંચ વરસાદ વરસ્યો છે. પારડીમાં 4.5 ઈંચ વરસાદ અને ધરમપુરમાં 4 ઈંચ વરસાદ ખાબક્યો છે. જ્યારે ઉમરગામમાં 3.9 ઈંચ વરસાદ વરસ્યો છે. તેમજ 9 તાલુકામાં 2 ઈંચથી વધારે વરસાદ પડ્યો છે. આ ઉપરાંત 20 તાલુકામાં 1 ઈંચથી વધુ વરસાદ ખાબક્યો છે.

આગામી 7 દિવસ ભારે વરસાદની આગાહી

હવામાન વિભાગની આગાહી અનુસાર આજે ગુજરાતના કેટલાક જિલ્લાઓમાં ભારે વરસાદ ખાબકી શકે છે. ગુજરાતમાં આગામી 7 દિવસ ભારે વરસાદની આગાહી કરવામાં આવી છે. દક્ષિણ ગુજરાતમાં ફરી અતિભારે વરસાદની આગાહી કરવામાં આવી છે.

આજે સુરત, નવસારી, વલસાડમાં વરસાદને લઈને ઓરેન્જ એલર્ટ આપવામાં આવ્યું છે. દમણ અને દાદરા નગર હવેલીમાં પણ આજે ઓરેન્જ એલર્ટ આપવામાં આવ્યુ છે. બનાસકાંઠા, પાટણ, સાબરકાંઠા, ભરૂચ, તાપીમાં યલો એલર્ટ આપવામાં આવ્યુ છે. અરવલ્લી, નર્મદા, ડાંગમાં પણ ભારે વરસાદ ખાબકી શકે છે.