Rain News: સૌરાષ્ટ્રની નદીઓ બની ગાંડીતૂર, જામકંડોરણાની ઉતાવળી નદીમાં ઘોડાપૂર, મોજ નદી પરનો કોઝવો ધોવાયો

સૌરાષ્ટ્રમાં મેઘમહેરથી નદીઓ ગાંડીતૂર બનતા કાંઠાના ગામોને સાવચેત કરવામાં આવ્યા છે. રાજકોટના જામકંડોરણામાં ઉતાવળી નદીમાં ઘોડાપૂર આવ્યું છે. રાયડીથી ખજુડા, રોઘલ જવા માટેનો કોઝવે ડૂબતા લોકોને અવર જવરમાં મુશ્કેલી પડી હતી. અમરેલીના લાઠીમાં ભારે વરસાદથીગાગડિયા નદીમાં ધસમસતો પાણીનો પ્રવાહ જોવા મળ્યો હતો.

ગઢાળા ગામમાં ભારે વરસાદથી કોઝવે ધોવાયો

રાજકોટમાં ગઢાળા ગામમાં ભારે વરસાદથી મોજ નદી પરનો કોઝવે ધોવાયો. વિદ્યાર્થીઓ શાળાએ જવા જીવના જોખમે રસ્તો પસાર કરવા મજબૂર થયા હતા. કચ્છના લખપતમાં કાળી નદી બે કાંઠે વહેતી થઈ. નદીના પાણીના કોઝ વે પર ફરી વળતા વાહન વ્યવહાર ખોરવાયો હતો.

આ પણ વાંચો : Gujarati Video: દેશની સંવેદનશીલ માહિતી પાકિસ્તાનને પહોંચાડનાર જાસુસની કચ્છમાંથી ધરપકડ

ખેડૂતોની સિંચાઈની સમસ્યાનો આવશે અંત

સૌરાષ્ટ્ર-કચ્છમાં મેઘરાજાએ ધમાકેદાર બેટિંગ કરતા જળાશયોમાં પાણીની સારી આવક થઈ છે. ખેડૂતોની સિંચાઈની સમસ્યા હલ થશે. જામનગરના કાલાવડમાં વોડીસાંગ ડેમ ઓવરફ્લો થતા નીચાણવાળા ગામોને એલર્ટ કરાયા છે. રાજકોટના ધોરાજીમાં ધોધમાર વરસાદ બાદ ભાદર-2 ડેમ સતત ત્રીજી વખત ઓવરફ્લો થયો. ડેમનું પાણી ભાદર નદીમાં છોડવામાં આવતા ધોરાજીથી પોરબંદર સુધીના ગામોને સતર્ક કરાયા હતા