દ્વારકાના જગત મંદિરમાં PM નરેન્દ્ર મોદીમાં ભગવાન દ્વારકાધીશની પૂજા કરી છે. તેમજ આરતી પણ કરી છે. આજે પીએમ નરેન્દ્ર મોદીએ દિવસની શરુઆતમાં બેટ દ્વારકામાં ભગવાન કૃષ્ણના મુખ્ય મંદિરમાં પૂજા – અર્ચના કરી હતી. ત્યાર બાદ તેમના ડ્રીમ પ્રોજેકટ સુદર્શન સેતુ બ્રિજનું લોકાર્પણ કર્યુ છે. આ સુદર્શન સેતુ બ્રિજ એન્જિનિયરિંગની કમાલ છે. 2.32 કિમી લાંબા બ્રિજમાં અંદાજે 978 કરોડનો ખર્ચ કરવામાં આવ્યો છે. બ્રિજ પરથી સમુદ્રની સુંદરતા જોવા માટે 12 વ્યૂ ગેલેરી બનાવામાં આવી છે.
વડા પ્રધાન નરેન્દ્ર મોદી દ્વારકામાં પહોંચ્યા ત્યારે મુખ્યમંત્રી ભૂપેન્દ્રભાઈ પટેલ, કેબીનેટ મંત્રી મુળુભાઇ બેરા, ગૃહરાજ્ય મંત્રી હર્ષભાઈ સંઘવી, સાંસદ સી. આર. પાટીલ, સાંસદ પૂનમબેન માડમ, ધારાસભ્ય પબુભા માણેક, મુખ્ય સચિવ રાજકુમાર, રીઅલ એડમિરલ અનિલ જગ્ગી, ડીજીપી વિકાસ સહાય, પ્રભારી સચિવ મુકેશ પંડ્યાએ વડાપ્રધાનનું સ્વાગત કર્યુ હતું.