મહેસાણામાં ઇયળના ઉપદ્રવથી ખેતરમાં પાકને ભારે નુકસાન, ખેડૂતોએ કરી સરકારી સહાયની માંગ

મહેસાણા જિલ્લામાં ઇયળના ઉપદ્રવથી ખેડૂતોના પાકને ભારે નુકસાન થવાની ભીતિ છે. દવાનો છંટકાવ કર્યા પછી પણ ઇયળનો પ્રકોપ ઘટતો નથી, જેના કારણે ખેડૂતો આર્થિક સંકટનો સામનો કરી રહ્યા છે. ખેડૂતોએ સરકાર પાસે આર્થિક સહાય અને પાક વીમા યોજના હેઠળ વળતરની માંગ કરી છે, જ્યારે કૃષિ વિભાગે સર્વે શરૂ કર્યો છે.

એક ખેડૂતના જણાવ્યા અનુસાર, એક વીઘા જમીનમાં ખેતી પાછળ લગભગ 20 થી 25 હજાર રૂપિયાનો ખર્ચ થાય છે. હાલ આ પરિસ્થિતિ મહેસાણાના અને આસપાસના ગામોમાં ઓછામાં ઓછી 8 થી 10 હજાર વીઘા જમીનને અસર કરી રહી છે. પાકને થનારા મોટા આર્થિક નુકસાનના ડરથી ખેડૂતોએ રાજ્ય સરકાર પાસે આર્થિક સહાય અને યોગ્ય વળતરની માંગ કરી છે.

આ સ્થિતિને ધ્યાનમાં રાખીને, કૃષિ વિભાગના અધિકારીઓ દ્વારા અસરગ્રસ્ત વિસ્તારોમાં પાકના નુકસાનનો સર્વે શરૂ કરવામાં આવ્યો છે. ખેડૂતોને આશા છે કે પાક વીમા યોજના હેઠળ વહેલી તકે નુકસાનનું યોગ્ય મૂલ્યાંકન કરવામાં આવશે અને તેમને વળતર મળશે. ખેડૂતોની આર્થિક મુશ્કેલીઓ પ્રત્યે સરકાર કેવો પ્રતિસાદ આપે છે અને શું સહાય જાહેર કરે છે તેના પર સૌની નજર છે.

નવા વર્ષના બીજા દિવસે પણ દ્વારકાધિશના દર્શન માટે મોટી સંખ્યામાં ઉમટ્યા ભાવિ ભક્તો, જય દ્વારકાધિશના નાદથી ગૂંજી ઉઠ્યુ પરિસર