ગુજરાતના કેટલાક વિસ્તારોમાં આજે મેઘરાજા મહેરબાન થયા છે. ત્યારે આજે ભરૂચમાં ધોધમાર વરસાદ વરસ્યો છે. ધોધમાર વરસાદના પગલે નીચાણવાળા વિસ્તારોમાં પાણી ભરાયા છે. પાંચબત્તી, સેવાશ્રમ રોડ પર વરસાદી પાણી ભરાયા છે.રસ્તા પાણી-પાણી થતા વાહન ચાલકો હાલાકીમાં મુકાયા છે.અનેક રસ્તાઓ પર જળબંબાકારની સ્થિતિ સર્જાઇ છે. બીજી તરફ નવસારીમાં પણ વરસાદ
બીજી તરફ નવસારી જિલ્લાના વાતવરણમાં પલટો આવ્યો છે.નવસારીના ગણદેવી અને ચીખલીમાં ભારે પવન સાથે ધોધમાર વરસાદ વરસ્યો છે.વાદળછાયા વાતાવરણ વચ્ચે શહેરમાં બપોરથી વરસાદ વરસી રહ્યો છે. નવસારીના કબીલપોર, કાલિયાવાડી, જુનાથાણા સહિતના વિસ્તારોમાં મેઘમહેર થઈ છે.પવન સાથે વરસાદ આવતા વાતાવરણમાં ઠંડક પ્રસરી છે. તો સુરતના પલસાણામાં ધોધમાર વરસાદ ખાબક્યો છે. સુરતના કામરેજ અને નવસારીના ખેરગામમાં 1.7 ઈંચ વરસાદ પડ્યો છે.