Junagadh Rain : માંગરોળમાં 4 કલાકમાં વરસ્યો 9 ઇંચથી વધુ વરસાદ, રસ્તાઓ પર ઘૂંટણસમા પાણી ભરાયા, જૂઓ મેઘ તાંડવના દૃશ્યો

Junagadh : રાજ્યમાં ફરી એક વાર વરસાદે ધમાકેદાર એન્ટ્રી મારી છે. જૂનાગઢ જિલ્લાના માંગરોળમાં ધોધમાર (Rain) વરસાદ પડતા બારે મેઘ ખાંગા જેવી સ્થિતિ સર્જાઇ છે. રૂદલપુર ગામમાં તો વરસાદ બાદ લોકોના ઘરોમાં પણ પાણી ઘૂસી ગયા છે. માંગરોળમાં વહેલી સવારથી જ 9 ઇંચ જેટલો વરસાદ ખાબક્યો છે. વરસાદ બાદ ચારેય તરફ રોડ-રસ્તાઓ પર પાણી ફરી વળ્યા છે. આ ગામ નહીં કોઇ વહેતી નદી હોય તેવા દ્રશ્યો સામે આવી રહ્યા છે. ઘૂંટણ સમા વરસાદના પાણી ભરાઇ જતા રસ્તા બંધ થઇ ગયા છે.

આ પણ વાંચો-Rajkot Rain : ધોરાજીમાં લોકોના ઘરોમાં ભરાયેલા વરસાદી પાણી ઓસર્યા, સામે આવ્યા તારાજીના ભયાનક દ્રશ્યો, જૂઓ Video

માંગરોળથી કેશોદ તરફ જવાનો રસ્તો અને સોમનાથ તરફ જવાનો રસ્તો બંધ થઇ ગયો છે. રાહદારીઓને મુશ્કેલી પડી રહી છે. વાહન વ્યવહાર બંધ થઇ ગયો છે. જો વધુ વરસાદ પડશે તો લોકોના ઘરોમાં પાણી ઘૂસી જશે. જેથી જનજીવન વધુ મુશ્કેલ બનશે. માંગરોળમાં ભારે વરસાદ બાદ કેટલાંક વિસ્તારો બેટમાં ફેરવાઇ ગયા છે.

જુનાગઢ સહિત ગુજરાતના તમામ જિલ્લાના સમાચાર વાંચવા માટે અહીં ક્લિક કરો