Breaking News : ફોરેસ્ટ કર્મી પર હુમલા કેસમાં ગુજરાત હાઈકોર્ટે નવજાત બાળકની માતા શકુંતલા વસાવાને હાઈકોર્ટમાંથી મળ્યા જામીન

ફોરેસ્ટ કર્મી પર હુમલાના કેસમાં સજા પામેલા શકુંતલા વસાવાને ગુજરાત હાઈકોર્ટે જામીન મંજૂર કર્યા છે. આ કેસમાં રાજપીપળા સેશન્સ કોર્ટે ચૈતર વસાવા સહિત 8 લોકોને સાત વર્ષની જેલની સજા ફટકારી હતી, જેમાં શકુંતલા વસાવાનો પણ સમાવેશ થતો હતો.

શકુંતલા વસાવા જ્યારે જેલમાં ગયા ત્યારે તેમની સાથે 18 દિવસની નવજાત દીકરી પણ હતી. આ સંવેદનશીલ પરિસ્થિતિને ધ્યાનમાં રાખીને સરકારે માનવીય અભિગમ દાખવ્યો હતો. સરકારે શકુંતલા વસાવાની જામીન અરજીનો વિરોધ કર્યો નહોતો, જેના કારણે તેમને હાઈકોર્ટ તરફથી જામીન મળી શક્યા છે.

આ નિર્ણય નાના બાળકના કલ્યાણ અને તેની માતાની જવાબદારી પ્રત્યેના સકારાત્મક દૃષ્ટિકોણને પ્રતિબિંબિત કરે છે. ફોરેસ્ટ કર્મી પર હુમલાનો આ મામલો રાજપીપળા વિસ્તારમાં ચર્ચાનો વિષય બન્યો હતો. હાઈકોર્ટના આદેશ બાદ હવે શકુંતલા વસાવા જેલમુક્ત થઈ તેમની દીકરીની સંભાળ લઈ શકશે.

અમેરિકાની હોટેલમાં લાગી આગ, ગુજરાતી પરિવારના ત્રણ સભ્યોના કરૂણ મોત, જુઓ Video