રાજકોટના સનાળી ગામે ભારે પવનથી ચાર વીજ પોલ ધરાશાયી, વીજ પુરવઠો ખોરવાયો

રાજકોટ જિલ્લાના વીંછીયા તાલુકાના સનાળી ગામે વાતાવરણમાં આવેલા અચાનક પલટાને કારણે ભારે પવન ફૂંકાયો હતો, જેને પગલે જનજીવન પ્રભાવિત થયું હતું. આ ભારે પવનની અસર એટલી તીવ્ર હતી કે સનાળી ગામમાં એકસાથે ચાર વીજ પોલ ધરાશાયી થયા હતા. આ ઘટનાને કારણે ગામનો સંપૂર્ણ વીજ પુરવઠો ખોરવાઈ ગયો છે, જેને લીધે સ્થાનિકોને હાલાકીનો સામનો કરવો પડી રહ્યો છે.

વીંછીયાના સનાળી ગામે બનેલી આ ઘટનાની જાણ થતાં જ વીજ વિભાગ દ્વારા તાત્કાલિક વીજ પુરવઠો બંધ કરવાની કાર્યવાહી હાથ ધરવામાં આવી હતી. સુરક્ષાના કારણોસર આ નિર્ણય લેવામાં આવ્યો હતો જેથી વધુ કોઈ દુર્ઘટના ન બને. પવનની તીવ્રતાને કારણે વીજ પોલ તૂટી પડ્યા હતા અને વીજળીના વાયરો પણ તૂટ્યા હતા, જેના પરિણામે વીજળી વગર ગ્રામજનોને મુશ્કેલી વેઠવી પડી રહી છે. તંત્ર દ્વારા વહેલી તકે વીજ પુરવઠો પૂર્વવત કરવા માટે પ્રયાસો હાથ ધરવામાં આવશે.

રાજકોટના ગ્રામ્ય વિસ્તારમાં ધોધમાર વરસાદ, ખેડૂતોમાં ખુશીનો માહોલ, જુઓ Video