Gujarati Video : હવામાન વિભાગની આગાહી અનુસાર વલસાડમાં ગાજવીજ સાથે વરસાદ, જગતનો તાત ચિંતામાં
Valsad News : વહેલી સવારથી જ આજે વલસાડ જિલ્લામાં વાદળછાયુ વાતાવરણ હતુ. જો કે બપોર બાદ વલસાડ જિલ્લામાં ભારે પવન સાથે વરસાદ ખાબક્યો હતો. ભર ઉનાળામાં વલસાડના વિવિધ વિસ્તારમાં વરસાદી માહોલ જોવા મળ્યો.
હવામાન વિભાગની આગાહી અનુસાર આજે વલસાડ જિલ્લાના વાતાવરણમાં પલટો જોવા મળ્યો. વહેલી સવારથી જ આજે વલસાડ જિલ્લામાં વાદળછાયુ વાતાવરણ હતુ. જો કે બપોર બાદ વલસાડ જિલ્લામાં ભારે પવન સાથે વરસાદ ખાબક્યો હતો. ભર ઉનાળામાં વલસાડના વિવિધ વિસ્તારમાં વરસાદી માહોલ જોવા મળ્યો. વીજળીના કડાકા ભડાકા સાથે વલસાડ શહેર તેમજ આસપાસના ગ્રામ્ય વિસ્તારોમાં વરસાદ વરસ્યો હતો. જો કે વરસાદના કારણે ખેડૂતોમાં ચિંતાનો માહોલ જોવા મળી રહ્યો છે. ખેડૂતોને પાકમાં નુકસાન થવાની ભીતિ સતાવી રહી છે.
આ પણ વાંચો-Breaking News: રાજ્યમાં કોરોનાનો કહેર, આજે નોંધાયા નવા 323 કેસ, 2000થી વધુ એક્ટિવ કેસ
રાજ્યમાં ખેડૂતોના માટે માવઠાનું સંકટ હજુ પણ યથાવત્ છે. હવામાન વિભાગે આગાહી કરી છે કે 24 કલાકમાં વરસાદ પડશે.. દક્ષિણ ગુજરાતના કેટલાક વિસ્તારોમાં હળવા વરસાદની આગાહી છે. નવસારી, ડાંગ, દાદરાનગર હવેલી, તાપી, વલસાડ, સુરત સહિતના વિસ્તારોમાં વીજળીના કડાકા સાથે વરસાદ વરસી શકે છે. વાતાવરણમાં ભેજના કારણે વરસાદ પડવાની શક્યતા છે.. તો બીજીતરફ આગામી 24 કલાકમાં કેટલાક વિસ્તારોમાં 1 ડિગ્રી તાપમાન વધી કે ઘટી શકે છે.. અને 24 કલાક બાદ પવનની દિશા બદલાતા તાપમાનમાં 2થી 3 ડિગ્રીનો ઘટાડો નોંધાશે.
ગુજરાતના તમામ સમાચાર અને બ્રેકિંગ ન્યૂઝ ગુજરાતીમાં વાંચો tv9gujarati.com પર
ગુજરાતના તમામ જિલ્લાના સમાચાર વાંચવા માટે જોડાયેલા રહો…
