આજનું હવામાન : આજે ફરવા જવાનું વિચારી રહ્યા છો તો રેઈનકોટ- છત્રી લઈ જજો, આ જિલ્લાઓમાં પડી શકે છે ભારે વરસાદ, જુઓ વીડિયો

હવામાન વિભાગની આગાહી અનુસાર આજે રાજ્યના અનેક વિસ્તારોમાં વરસાદી માહોલ જોવા મળે તેવી શક્યતા છે.તો આગામી 2 દિવસ વરસાદ વરસી શકે છે. આગાહી અનુસાર આજે દાહોદ,છોટાઉદેપુરમાં ભારે વરસાદની આગાહી કરવામાં આવી છે. તો આવતીકાલે ડાંગ, નવસારી, વલસાડ, તાપી, દમણ અને દાદરા નગરહવેલીમાં હળવા વરસાદ પડવાની શક્યતાઓ છે.

તો આ ઉપરાંત અમદાવાદ સહિત ઉત્તર ગુજરાતમાં બનાસકાંઠા, પાટણ અને સાબરકાંઠામાં હળવો વરસાદ પડે તેવી સંભાવના છે. તો આ સિવાય મધ્ય ગુજરાતમાં આણંદ અને ભરુચ તેમજ દક્ષિણ ગુજરાતમાં વરસાદી માહોલ રહે તેવી સંભાવના છે. તો માવઠાની આગાહીને લઈ ખેડૂતોમાં ચિંતાનો માહોલ જોવા મળી રહ્યો છે.

હવામાન વિભાગની આગાહી અનુસાર આજે રવિવારે અમદાવાદ,ભાવનગર, છોટાઉદેપુર,ગાંધીનગર,જુનાગઢ, ખેડા, નવસારી સહિતના જિલ્લાઓમાં 36 ડિગ્રી તાપમાન રહે તેવી સંભાવના છે. તો આણંદ, અરવલ્લી, બનાસકાંઠા, બોટાદ, ડાંગ,કચ્છ, મહીસાગર, પંચમહાલ, પોરબંદર, વલસાડ સહિતના જિલ્લાઓમાં 35 ડિગ્રી તાપમાન રહે તેવી સંભાવના છે. નર્મદા, મોરબી, જામનગર,દેવભૂમિ દ્વારકા, ભરુચ સહિતના જિલ્લાઓમાં 37 ડિગ્રી તાપમાન રહે તેવી સંભાવના છે.