મુખ્યપ્રધાન ભૂપેન્દ્ર પટેલને દિલ્હીનું તેડું આવ્યુ છે.આજે રાત્રે મુખ્ય પ્રધાન ભૂપેન્દ્ર પટેલ દિલ્હી જવા રવાના થશે. આવતીકાલે દિલ્હી ખાતે નીતિ આયોગની બેઠક છે.PM નરેન્દ્ર મોદીની અધ્યક્ષતામાં બેઠક યોજાશે. ચૂંટણી પરિણામો બાદ પ્રથમ નીતિ આયોગની બેઠક મળશે. તમામ રાજ્યના સીએમને બેઠકમાં હાજર રહેવા સૂચના છે. ત્યારે CM ભૂપેન્દ્ર પટેલ પણ નીતિ આયોગની બેઠકમાં હાજર રહેશે.
દેશની સામાન્ય જનતા સાથે જોડાયેલા મુદ્દા પર નીતિ આયોગમાં ચર્ચા થાય છે.જેમાં પીવાના પાણીની,વીજળીની સહિત જીવન જરુરિયાતની તમામ બાબત અંગે ચર્ચા કરવામાં આવશે. જો કે પ્રાપ્તથતી માહિતી અનુસાર વિપક્ષ પક્ષની સરકાર ધરાવતા રાજ્યોના મુખ્યપ્રધાન દ્વારા નીતિ આયોગની બેઠકનો વિરોધ કરવામાં આવ્યો છે.
મુખ્ય પ્રધાન ભૂપેન્દ્ર પટેલ આજે રાત્રે 8 વાગ્યે દિલ્હી જવા રવાના થવાના છે. ત્યાં બેઠક બાદ સીએમ ભૂપેન્દ્ર પટેલ વડાપ્રધાન મોદી અને અમિત શાહ સાથે ગુજરાતના કેટલાક મુદ્દાઓ અને રાજકીય બાબતે ચર્ચા કરી શકે છે.