GIR SOMNATH : પાકિસ્તાન જેલમાંથી 20 ભારતીય માછીમારો મુક્ત, વેરાવળ ખાતે સ્વજનો સાથે મિલાપના લાગણીસભર દ્રશ્યો સર્જાયા

વતન આવી પહોંચેલા માછીમારોએ પાકિસ્તાની જેલમાં વેઠેલી યાતનાઓ અંગે આપવીતી વર્ણવી હતી. પાકિસ્તાનની જેલમાં ભારતીય માછીમારો સાથે પશુ જેવું વર્તન કરવામાં આવતું. જેલમાં આરોગ્યની સુવિધા પૂરતી મળતી ના હતી.

TV9 GUJARATI

| Edited By: Utpal Patel

Jan 27, 2022 | 5:46 PM

GIR SOMNATH : પાકિસ્તાની જેલમાંથી (pakistan jail) મુક્ત કરાયેલા માછીમારો (Fishermen) પોતાના માદરે વતન પરત ફર્યા છે. ગીર સોમનાથના વેરાવળ ખાતે પાકિસ્તાન જેલમાંથી મુક્ત કરાયેલા 20 માછીમારોને પરત લવાયા છે. 20 પૈકી 05 ઉત્તરપ્રદેશના અને 15 ગીર સોમનાથ જિલ્લાના માછીમારો છે. ફિશરીઝ વિભાગ દ્વારા વાઘા બોર્ડરથી માછીમારોનો કબજો સંભાળી વેરાવળમાં લાવવામાં આવ્યાં છે.

વેરાવળ ખાતે માછીમારોનું પરિવાર સાથે મિલન થતા લાગણીસભર દ્રશ્યો સર્જાયા

વર્ષો બાદ પરિવારજનો સાથે માછીમારોનું મિલન થતાં લાગણી સભર દ્રશ્યો સર્જાયા હતા. મહત્વનું છે કે હજુ પણ પાકિસ્તાન જેલમાં 560થી વધુ માછીમારો બંધક છે. જેમને પણ મુક્ત કરવાની માગ કરવામાં આવી રહી છે. જ્યારે સુત્રાપાડાના મૃતક માછીમાર જેન્તી સોલંકીના મોતને એક માસ વીતી જવા છતાં તેમનો મૃતદેહ પણ ભારત મોકલાવાયો નથી.

વતન આવી પહોંચેલા માછીમારોએ પાકિસ્તાની જેલમાં વેઠેલી યાતનાઓ અંગે આપવીતી વર્ણવી હતી. પાકિસ્તાનની જેલમાં ભારતીય માછીમારો સાથે પશુ જેવું વર્તન કરવામાં આવતું. જેલમાં આરોગ્યની સુવિધા પૂરતી મળતી ના હતી. તો બીજી તરફ ચાર-ચાર વર્ષથી જેલમાં બંધ માછીમારોના પરિવારની પણ આર્થિક હાલત કફોડી બની છે. ત્યારે સરકાર તરફથી પાકિસ્તાની જેલમાં બંધ માછીમારોના પરિવારને સરકાર તરફથી સહાય કરવામાં આવે એવી માગ ઉઠી છે.

આ પણ વાંચો :  ગાંધીનગર મહાનગર પાલિકામાં સફાઈ કર્મચારીઓનું આંદોલન, 400થી વધુ કર્મચારીઓએ અર્ધનગ્ન અવસ્થામાં વિરોધ નોંધાવ્યો

આ પણ વાંચો : GPSSB Recruitment 2022: ગુજરાતમાં આંકડાકીય મદદનીશ સહિત ઘણી જગ્યાઓ માટે ભરતી, જાણો કેવી રીતે કરવી અરજી

Follow us on

Click on your DTH Provider to Add TV9 Gujarati