અમદાવાદ અને સુરતની બજારોમાં પતંગ રસિકો ખરીદી માટે ઉમટયા, કોરોના ગાઇડલાઇનનો ભંગ

ઉત્તરાયણનો (Uttarayan) તહેવાર જેમ જેમ નજીક આવી રહ્યો છે. તેમતેમ પતંગ (Kite) રસિકોમાં ઉત્સાહનો માહોલ છવાયો છે. અને, પતંગ રસિકો બજારમાં ખરીદી માટે ઉમટી રહ્યાં છીએ. ઉતરાયણનો તહેવાર એટલે અમદાવાદીઓનો મનપંસદ તહેવાર, અને, આ તહેવારને (Ahmedabad) અમદાવાદીઓ મન મુકીને માણવા માગે છે. ત્યારે ઉતરાયણની ખરીદી માટે હાલ અમદાવાદ શહેરની બજારોમાં ભીડનો માહોલ છવાયો છે. ઉતરાયણના તહેવારને બે દિવસ બાકી છે ત્યારે લોકો મન ભરીને ખરીદી કરતા નજરે પડયા છે. શહેરની મુખ્ય પતંગ બજારોમાં હાલ ભરચક ભીડ છવાઇ છે.

અમદાવાદ શહેરના દિલ્હી દરવાજા, રાયપુર, બાપુનગર અને સૈજપુર સહિતના બજારોમાં ખરીદીનો માહોલ જામ્યો છે. અને, પતંગ ખરીદી માટે લોકો પડાપડી કરી રહ્યાં છે. લોકોની ભીડને કારણે પતંગના વેપારીઓમાં ખુશાલીનો માહોલ છે. નોંધનીય છેકે આ વરસે પતંગ અને દોરીના ભાવમાં વધારો હોવા છતા લોકો સારી એવી ખરીદી કરી રહ્યાં છે.જોકે આ તમામ વચ્ચે કોરોના (Corona) ગાઇડલાઇનનો સંદતર અભાવ જોવા મળ્યો છે.

સુરતની બજારોમાં પણ હાલ આ જ માહોલ જોવા મળી રહ્યો છે. ઉતરાયણને લઇને પતંગ બજારમાં ખરીદીનો માહોલ જામ્યો છે. સૌથી જુના પતંગબજાર ડબઘરવાડમાં ખરીદી માટે પતંગરસિકોની પડાપડી જોવા મળી રહી છે. જોકે આ તમામ વચ્ચે કોરોના ગાઇડલાઇનનો ભંગ થતો જોવા મળ્યો છે. અને, સોશિયલ ડિસ્ટન્સિંગ વગર પતંગરસિકો ખરીદી માટે ઉમટ્યા છે. જોકે આ વરસે પતંગ અને દોરીના ભાવમાં અસહ્ય વધારો થયો છે. પરંતુ, ખરીદીમાં કોઇ અસર જોવા મળી નથી. ગયા બે વર્ષ કરતા આ વરસે સૌથી સારી ખરીદી જોવા મળી છે.

આ પણ વાંચો : જેઠા ભરવાડ પર ગેરકાયદે બાંધકામનો આરોપ “વનવિભાગની જમીન પચાવી મકાન બનાવ્યું”

આ પણ વાંચો :  Ahmedabad: ઓઢવમાં મહિલા સાથે દુષ્કર્મ, મહિલાએ પ્રતિકાર કરતા કર્યો હુમલો, પોલીસે બન્ને આરોપીને ઝડપી પાડ્યા