Breaking News : ગાંધીનગર IIIT કેમ્પસમાં વિદ્યાર્થીઓનો સુરક્ષા મુદ્દે વિરોધ, અસામાજિક તત્વો સામે કાર્યવાહીની માંગ

ગાંધીનગરના IIIT વડોદરા કેમ્પસમાં વિદ્યાર્થીઓએ પોતાની સુરક્ષાને લઇને ગંભીર ચિંતા વ્યક્ત કરતાં ધરણા પ્રદર્શન કર્યા હતા. આ વિરોધ પ્રદર્શન પાછળ ગઈકાલે દેલવાડ ખાતેની હોસ્ટેલમાં અસામાજિક તત્વો દ્વારા થયેલી બબાલ મુખ્ય કારણભૂત છે. વિદ્યાર્થીઓએ કેમ્પસમાં અસામાજિક તત્વોના આતંક સામે કડક કાર્યવાહી કરવા અને સુરક્ષા વ્યવસ્થાને વધુ મજબૂત બનાવવાની માંગ કરી છે.

વિદ્યાર્થીઓની ફરિયાદ બાદ, IIIT વડોદરાના વહીવટીતંત્ર દ્વારા તાત્કાલિક પગલાં ભરવાની જાહેરાત કરવામાં આવી છે. હોસ્ટેલમાં પોલીસ ઉપરાંત ખાનગી સુરક્ષા ગાર્ડ તૈનાત કરવામાં આવશે. એક વિદ્યાર્થીના જણાવ્યા મુજબ, ગઈકાલે રાત્રે પણ પોલીસકર્મીઓ સવારે 2 વાગ્યા સુધી હાજર રહ્યા હતા.

પ્રથમ વર્ષના વિદ્યાર્થીઓ આ ઘટનાથી થોડા ડરેલા છે. વહીવટીતંત્રએ ખાતરી આપી છે કે પરિસ્થિતિ નિયંત્રણમાં છે અને માનસા પોલીસ તેમજ સેક્ટર 21 પોલીસ પણ સુરક્ષા વ્યવસ્થામાં સામેલ છે. આ ઘટનાએ શૈક્ષણિક સંસ્થાઓમાં કેમ્પસ સલામતી અને વિદ્યાર્થી સુરક્ષાના મુદ્દાને ફરીથી ચર્ચામાં લાવ્યો છે.

ગુજરાતમાં આગામી 24 કલાક ભારે વરસાદનો કહેર, કચ્છમાં રેડ એલર્ટ, દ્વારકામાં ઓરેન્જ એલર્ટ