Breaking News : પ્લેન ક્રેશમાં સૈયદ પરિવારના 4 સભ્યનું મોત, પરિવારમાં કલ્પાંતનો માહોલ, જુઓ Video

એર ઇન્ડિયાની ફ્લાઇટ AI 171 ના ક્રેશમાં 241 લોકોએ પોતાના જીવ ગુમાવ્યા હતા. આ ભયાનક દુર્ઘટનામાં મુંબઈના સૈયદ પરિવારના ચાર સભ્યોનું મૃત્યુ થયું છે. આ પરિવારમાં જાવેદ સૈયદ, તેમની પત્ની મરિયમ અને તેમના બે બાળકોનો સમાવેશ થાય છે.આ દુ:ખદ ઘટના બાદ, પરિવારના સભ્યો અમદાવાદ પહોંચ્યા છે અને તેમણે એર ઇન્ડિયા સામે ન્યાયની માંગ કરી છે.

પરિવારજનોએ ફ્લાઇટની સુરક્ષા પ્રક્રિયાઓમાં ગંભીર ખામીઓ હોવાનો આરોપ મૂક્યો છે. તેઓ કહે છે કે આટલા લાંબા અંતરની ફ્લાઇટ હોવા છતાં પણ, ફ્લાઇટની પૂરતી ચકાસણી કરવામાં આવી ન હતી. આ બેદરકારીને કારણે જ આ દુર્ઘટના સર્જાઈ છે તેમ તેઓ માને છે. જાવેદ સૈયદના મામા, રફિક, જેઓ ભિવંડીથી મૃતદેહોની ઓળખ માટે અમદાવાદ આવ્યા છે, એમ કહે છે કે જાવેદ પ્રથમ વખત એર ઇન્ડિયાની ફ્લાઇટમાં મુસાફરી કરી રહ્યા હતા.

જાવેદ પ્રથમ વખત એર ઇન્ડિયાની ફ્લાઇટમાં મુસાફરી કરી રહ્યા હતા

આ દુર્ઘટના બાદ, ઘણા પરિવારો સિવિલ હોસ્પિટલમાં પોતાના પ્રિયજનોની શોધ કરી રહ્યા છે. આ દુઃખદ પરિસ્થિતિમાં, સરકાર અને એર ઇન્ડિયા દ્વારા પીડિત પરિવારોને શક્ય તેટલી મદદ કરવામાં આવી રહી છે. ડીએનએ ટેસ્ટ પૂર્ણ થયા પછી, મૃતદેહોની ઓળખ કરવામાં આવી રહી છે. પરિવારજનોને તેમના પ્રિયજનોના મૃતદેહો મળી જાય તેવી આશા છે. આ ઘટનાએ સમગ્ર દેશમાં શોકનું વાતાવરણ ફેલાવ્યું છે અને ફ્લાઇટ સુરક્ષા અંગે ગંભીર ચિંતાઓ પેદા કરી છે. આ ઘટનાની તપાસ ચાલી રહી છે અને જવાબદારો સામે કડક કાર્યવાહી કરવામાં આવશે તેવી માગ કરી રહ્યાં છે.