Breaking News: જામનગરના કેશીયાના તળાવના પાળને હાથ અડાવતા જ ખરવા લાગ્યા કાંકરા! સમારકામની ગુણવત્તા સામે ગ્રામજનોનો આક્રોશ, જુઓ Video

જામનગર જિલ્લાના જોડિયા તાલુકાના કેશીયા ગામે તળાવના સમારકામની કામગીરી વિવાદમાં આવી છે. તળાવના પાળના બાંધકામની ગુણવત્તા અંગે ગ્રામજનોએ ગંભીર સવાલો ઉઠાવ્યા છે. નવા કરવામાં આવેલા બાંધકામને માત્ર હાથ અડાવતા જ કાંકરા ખરવા લાગતા કામગીરી સામે અનેક પ્રશ્નો ઉભા થયા છે.

હાથ અડાવતા જ કાંકરા ખર્યા

ગ્રામજનોના જણાવ્યા મુજબ, તળાવના પાળના સમારકામમાં બાંધકામની મજબૂતી જળવાઈ નથી. પાળના કેટલાક ભાગને હાથ લગાવતા જ કાંકરા અને બાંધકામનો મસાલો છૂટો પડવા લાગ્યો હતો. આ સ્થિતિને પગલે સમારકામમાં ઉપયોગમાં લેવાયેલા સિમેન્ટ અને અન્ય સામગ્રીની ગુણવત્તા સામે પણ સવાલો ઉઠ્યા છે.

ગ્રામજનોએ વીડિયો બનાવી ઉઠાવ્યા સવાલ

સમગ્ર મામલે ગ્રામજનોએ સ્થળ પર વીડિયો બનાવીને તળાવના પાળની સ્થિતિ સામે લાવી છે. વીડિયોમાં બાંધકામના ભાગમાંથી કાંકરા સરળતાથી છૂટા પડતા હોવાનો દાવો કરવામાં આવ્યો છે. ગ્રામજનોએ કામગીરીની ગુણવત્તા અંગે જવાબદાર તંત્રનું ધ્યાન દોર્યું છે.

નબળા બાંધકામનો આક્ષેપ

ગ્રામજનોએ આક્ષેપ કર્યો છે કે તળાવના સમારકામમાં નબળી ગુણવત્તાની સામગ્રીનો ઉપયોગ થયો હોઈ શકે છે. માત્ર હાથ અડાવતા બાંધકામના કાંકરા ખરવા લાગે તે સ્થિતિને લઈને ગ્રામજનોમાં નારાજગી જોવા મળી રહી છે. સરકારી નાણાંથી થતી કામગીરીમાં ગુણવત્તાના ધોરણોનું પાલન થાય તે જરૂરી હોવાની પણ માગ ઉઠી છે.

તપાસ કરી જવાબદારો સામે કાર્યવાહીની માગ

કેશીયા ગામના ગ્રામજનોએ સમગ્ર કામગીરીની તટસ્થ તપાસ કરવાની માગ કરી છે. તળાવના સમારકામમાં કઈ સામગ્રીનો ઉપયોગ થયો અને બાંધકામ નિર્ધારિત ધોરણો મુજબ થયું છે કે નહીં તેની તપાસ કરવામાં આવે તેવી માગ છે. સાથે જ જો કામગીરીમાં ગેરરીતિ કે બેદરકારી સામે આવે તો જવાબદાર વ્યક્તિઓ સામે કડક કાર્યવાહી કરવામાં આવે અને તળાવનું સમારકામ ગુણવત્તાયુક્ત રીતે કરવામાં આવે તેવી ગ્રામજનોએ માગણી કરી છે.

આ પણ વાંચો- Breaking News: PM નરેન્દ્ર મોદી 8 સપ્ટેમ્બરે આવશે ગુજરાતની મુલાકાતે, વડોદરાને ₹30 હજાર કરોડના વિકાસકાર્યોની ભેટ મળશે