Breaking News: 1825 કરોડના GST કૌભાંડનો માસ્ટરમાઈન્ડ ઝડપાયો, દિલ્હી એરપોર્ટ પરથી કપિલ ચુગની ધરપકડ, જુઓ Video
Directorate General of GST Intelligence (DGGI) અમદાવાદ ઝોનને 1825 કરોડ રૂપિયાના મોટા GST કૌભાંડમાં મહત્વપૂર્ણ સફળતા મળી છે. આ કેસના મુખ્ય સૂત્રધાર કપિલ ચુગને દિલ્હી સ્થિત Indira Gandhi International Airport પરથી ધરપકડ કરવામાં આવી છે. આરોપી દુબઈથી ભારત પરત ફરતા જ એજન્સીએ તેને કસ્ટડીમાં લીધો હતો.
Directorate General of GST Intelligence (DGGI) અમદાવાદ ઝોનને 1825 કરોડ રૂપિયાના મોટા GST કૌભાંડમાં મહત્વપૂર્ણ સફળતા મળી છે. આ કેસના મુખ્ય સૂત્રધાર કપિલ ચુગને દિલ્હી સ્થિત Indira Gandhi International Airport પરથી ધરપકડ કરવામાં આવી છે. આરોપી દુબઈથી ભારત પરત ફરતા જ એજન્સીએ તેને કસ્ટડીમાં લીધો હતો.
22 સમન્સ પાઠવ્યા
તપાસ દરમિયાન ખુલ્યું છે કે કપિલ ચુગ લાંબા સમયથી તપાસ એજન્સીઓથી બચી રહ્યો હતો. તેને કુલ 22 સમન્સ આપવામાં આવ્યા હતા, છતાં તે હાજર રહ્યો નહોતો. અધિકારીઓ અનુસાર, તેણે અનેક ડમી કંપનીઓ બનાવી અને નકલી ITC (Input Tax Credit) દ્વારા કરોડો રૂપિયાનું ગેરકાયદેસર રિફંડ મેળવ્યું હતું.
આ આરોપીએ તમાકુના બોગસ બિલો તૈયાર કરીને સરકારી તિજોરીને ભારે નુકસાન પહોંચાડ્યું હતું. એટલું જ નહીં KYC દસ્તાવેજોનો દુરૂપયોગ કરીને અનેક નકલી ફર્મો ઉભી કરી અને નિકાસના ખોટા આંકડા દર્શાવી Kandla Special Economic Zone સાથે પણ છેતરપિંડી આચરી હતી.
આર્થિક ગુનાઓમાં પણ વોન્ટેડ હતો
તપાસમાં વધુમાં જાણવા મળ્યું છે કે કપિલ ચુગ પહેલાથી જ Yes Bank અને Central Bureau of Investigation (CBI)ના અન્ય આર્થિક ગુનાઓમાં પણ વોન્ટેડ હતો. આ કેસમાં તેના સહયોગી વિપિન શર્મા સામે Securities and Exchange Board of India દ્વારા બોગસ ટર્નઓવર મામલે કાર્યવાહી કરવામાં આવી છે.
DGGI હવે આ સમગ્ર કૌભાંડના નેટવર્કને ઉકેલવા માટે વધુ તપાસ આગળ ધપાવી રહી છે.
