ગુજરાતની ભરૂચ લોકસભા બેઠક આપને આપતા કોંગ્રેસમાં શરૂ થયુ કમઠાણ, અહેમદ પટેલના પુત્ર-પુત્રીએ વ્યક્ત કર્યો વિરોધનો સૂર- વીડિયો
ગુજરાતની ભરૂચ લોકસભા બેઠક પર આપ અને કોંગ્રેસ વચ્ચે સહમતી સધાઈ ગઈ છે અને કોંગ્રેસના મોવડી મંડળ દ્વારા આપ પાર્ટીને આ બેઠક આપવામાં આવી છે. જેને લઈને પહેલેથી આ બેઠક પર દાવો કરી રહેલા અહેમદ પટેલના પુત્ર ફૈસલ પટેલ અને મુમતાઝ પટેલનું સપનુ રોળાયુ છે અને વિરોધનો સૂર વ્યક્ત કર્યો છે.
અનેક અટકળો બાદ ગુજરાતમાં આપ અને કોંગ્રેસના ગઠબંધનની સતાવાર જાહેરાત થઈ ગઈ છે. INDIA ગઠબંધને ભરૂચ અને ભાવનગરની બેઠક પર AAP પર મહોર મારી છે અને આ સાથે જ ભરૂચ બેઠક પરનું ગુંચવાયેલું કોકડું ઉકેલાઈ ગયું છે. એટલે કે અહિંથી મુમતાઝ પટેલ કે ફૈઝલ પટેલ નહી પરંતુ ચૈતર વસાવા લડશે. અહેમદ પટેલનું પરિવાર આડકતરો વિરોધ દર્શાવી રહ્યું છે. આ સાથે જ બંને ભાઈ-બહેનનું ભરૂચ બેઠક પરથી ચૂંટણી લડવાનું સપનું તૂટી ગયું છે.
AAP જીતનો વિશ્વાસ વ્યક્ત કરી રહી છે. ત્યારે કોંગેસ નેતા શક્તિસિંહે જીતનો દાવો કર્યો છે અને કહ્યું કે આ હાઈકમાન્ડનો નિર્ણય છે અને તેને વધાવાનો હોય, આ વખતે કોંગ્રેસ વધુ મતોથી જીતશે. બીજી તરફ ભાજપ પ્રદેશ પ્રમુખ સી.આર.પાટીલે નિશાન સાધતા કહ્યું કે. કોંગ્રેસ અને આપ અને કોંગ્રેસ દિવાસ્વપ્નોમાં રાચે છે. આ આંધળા અને બહેરાનું ગઠબંધન છે. PM મોદીના નેતૃત્વમાં ભાજપની હેટ્રિક નિશ્ચિત છે. ત્યારે હવે સવાલ એ છે કે ભરૂચમાં કોનું પલડું ભારે રહેશે!
આ પણ વાંચો: રાજકોટમાં જુના ઍરપોર્ટથી રેસકોર્સ ગ્રાઉન્ડ સુધી પીએમ મોદીનો યોજાશે મેગા રોડ શો, કરાયુ રિહર્સલ- જુઓ વીડિયો
