અમરેલીમાં ‘સિંહના ટોળા ના હોય’ કહેવત ખોટી સાબીત થતા જોવા મળી છે. એશિયાટિક સિંહ ગુજરાત અને ગીરની શાન છે. અવાર નવાર તેઓ ગીર સહિતના આસપાસના વિસ્તારોમાં જોવા મળતા હોય છે. અમરેલીમાં પણ સિંહો વસવાટ કરતા હોય છે.અમરેલીમાં આવા સિંહ પરિવારના આંટા મારતો એક વીડિયો સામે આવ્યો છે.
આવાઅદભૂત દ્રશ્યો અમરેલી જિલ્લાના ધારીથી સામે આવ્યા છે. જેમાં એક સાથે 12થી વધુ સિંહનું ટોળું રસ્તા પરથી પસાર થતુ જોવા મળી રહ્યુ છે. સિંહ પરિવારમાં સિંહ, સિંહણ અને સિંહબાળ રસ્તા પરથી લટાર મારતા જોવા મળી રહ્યા છે. આ દ્રશ્યો રાહદારીએ કેમેરામાં કેદ કર્યા હતા. આ રાતના દ્રશ્યો છે. હાલ સિંહ પરિવારનો વીડિયો સોશિયલ મીડિયામાં ખૂબ જ વાયરલ થઈ રહ્યો છે.