Vadodara Rain : નર્મદા ડેમમાંથી 3.45 લાખ ક્યુસેક પાણી છોડાયું, ડભોઈ તાલુકાના અનેક ગામોને અપાયું એલર્ટ, જુઓ Video

ગુજરાતના મોટાભાગના વિસ્તારોમાં ધોધમાર વરસાદ વરસ્યો છે. ત્યારે ઉપરવાસમાં મુશળધાર વરસાદ ખાબક્તા નર્મદા ડેમમાંથી પાણી છોડાતા કાંઠા વિસ્તારોમાં એલર્ટ આપવામાં આવ્યું છે. ડેમમાંથી 3.45 લાખ ક્યુસેક પાણી નર્મદામાં છોડાતા નીચાણવાળા વિસ્તારોમાં એલર્ટ કરવામાં આવ્યું છે.

ડભોઈ તાલુકાના અનેક ગામોને સતર્ક કરવામાં આવ્યા છે. જેમાં ચાંદોદ, કરનાળી, નંદેરીયા, ભીમપુરા સહિતના ગામોમાં એલર્ટ અપાયું છે. ચાંદોદના મલ્હારરાવ ઘાટના 108માંથી 78 પગથિયા પાણીમાં ગરકાવ થયા છે. જ્યારે કરનાળી ઘાટના 110માંથી 80 પગથિયા પાણીમાં ડૂબ્યા છે. ભારે વરસાદના પગલે સરપંચ અને તલાટીને સ્ટેન્ડ બાય રહેવા વહીવટી તંત્રએ સૂચના આપી છે.

કલોલમાં વરસ્યો ધોધમાર વરસાદ

બીજી તરફ હવામાન વિભાગની આગાહી વચ્ચે ગુજરાતના અનેક વિસ્તારોમાં ધોધમાર વરસાદ વરસી રહ્યો છે. આજે વહેલી સવારથી ગાંધીનગર જિલ્લાના અનેક વિસ્તારોમાં ધોધમાર વરસાદ વરસ્યો છે. કલોકમાં વહેલી સવારથી ગાજવીજ સાથે વરસાદ વરસ્યો છે. છેલ્લા 3 દિવસના વિરામ બાદ ધોધમાર વરસાદ વરસતા વાતાવરણમાં ઠંડક પ્રસરી છે.