Ahmedabad: હોળી-ધૂળેટીના તહેવારને લઈ ખાણીપીણીના એકમો પર આરોગ્ય વિભાગની તવાઈ

હોળી-ધુળેટીના તહેવારને લઈને AMCના હેલ્થ વિભાગ દ્વારા કાર્યવાહી શરૂ કરવામાં આવી છે. અમદાવાદ શહેરમાં હેલ્થ વિભાગ દ્વારા વિવિધ ખાણીપીણી એકમોના નમુના લેવાનું શરૂ કરવામાં આવ્યું છે.

TV9 GUJARATI

| Edited By: Tanvi Soni

Mar 06, 2022 | 7:12 AM

હોળી-ધૂળેટીના (Holi 2022) તહેવારને હવે ખૂબ જ ઓછા દિવસો બાકી છે. તહેવાર નજીક હોવાથી આરોગ્ય વિભાગ (health department) હવે ઠેર-ઠેર ખાણીપીણીની દુકાનોમાં ચેકિંગ હાથ ધરી રહ્યું છે. મીઠાઈ અને ફરસાણ સહિતની ખાણીપીણીની દુકાનો (food Shop) પર દરોડા પાડી આરોગ્ય વિભાગ અખાદ્ય ચીજોનો નાશ કરી રહ્યું છે. તાજેતરમાં જ અમદાવાદના અલગ અલગ વિસ્તારમાં ખાણીપીણીની દુકાનોમાં ફૂડ એન્ડ ડ્રગ્સ વિભાગે (Department of Food and Drugs) દરોડા પાડી સેમ્પલ લીધા છે.

હોળી-ધુળેટીના તહેવારને લઈને AMCના હેલ્થ વિભાગ દ્વારા કાર્યવાહી શરૂ કરવામાં આવી છે. અમદાવાદ શહેરમાં હેલ્થ વિભાગ દ્વારા વિવિધ ખાણીપીણી એકમોના નમુના લેવાનું શરૂ કરવામાં આવ્યું છે. જેમાં બટર, ચટણી, સોસ, વેજીટેબલ ફેટ, સ્નેક્સ ટોપિંગના નમુના લેવામાં આવ્યા છે. જયભવાની દાબેલી, કર્ણાવતી દાબેલી, પુરોહિત સેન્ડવીચ, હાંડી મસાલા સહિત 19 એકમોના નમુના લેવાયા છે.

જો કે હેલ્થ વિભાગ દ્વારા બે મહિના અગાઉ લેવાયેલા 296 નમુનામાંથી 11 નમુના ફેલ થયા છે. જેમાં બેકરી પ્રોડક્ટ , ફરસાણ અને નમકીન, દૂધ અને દૂધની બનાવટના 11 નમુના ફેલ થયા અને હવે જે એકમના નમૂના ફેલ થયા છે, તેની સામે કાયદેસરની કાર્યવાહી પણ શરૂ કરવામાં આવી છે.

તહેવારોના સમયે મોટાભાગે ખાણીપીણીના એકમો દ્વારા ભેળસેળ યુક્ત ખોરાક આપવામાં આવતા હોવાના અનેક કિસ્સા અગાઉ પણ સામે આવેલા છે. તહેવારના સમયે લોકોના સ્વાસ્થ્ય સાથે ચેડા ન થાય તે હેતુથી આરોગ્ય વિભાગ સતર્ક બન્યુ છે અને ખાણીપીણીના એકમો પર ચેકિંગ હાથ ધર્યા છે.

આ પણ વાંચો- Kutch : સાગર પરિક્રમાના પ્રથમ તબકકાનો માંડવીથી પ્રારંભ, 215 લાભાર્થીઓને 92.82 લાખની સહાય અપાઈ

આ પણ વાંચો- ગાંધીનગર : યુક્રેનથી વધુ 137 વિદ્યાર્થીઓ પરત, ગુજરાતના કુલ 750 જેટલા વિદ્યાર્થીઓ પરત ફર્યાઃ જીતુ વાઘાણી

Follow us on

Click on your DTH Provider to Add TV9 Gujarati