રાજ્યમાં અકસ્માતોની વણઝાર સર્જાઇ છે.ગુજરાતના અલગ અલગ જિલ્લામાં અકસ્માતની ઘટનામાં 9 લોકો મોતને ભેટ્યા છે.અરવલ્લીના મોડાસા-સાકરીયા હાઇ વે પર ST બસ અને ખાનગી બસ વચ્ચે થયેલી જોરદાર ટક્કરમાં 3 લોકોના મોત થયા હતાં. વડોદરાના આજવા રોડ પર અજાણ્યા વાહને બાઇકને ટક્કર મારતા દંપતીનું મોત થયું. જ્યારે 2 બાળકોને ઇજા પહોંચી હતી.
અકસ્માત જોવા માટે રોકાયેલા મીનીટ્રકને લગ્ઝરીએ ટક્કર મારતા લગ્ઝરી બસ પલટી થઈ હતી.લગ્ઝરી બસમાં સવાર 8 લોકોને ઇજા પહોંચી હતી.જ્યારે બોટાદના સાળગપુર રોડ પર કાર અને બાઈક વચ્ચે અકસ્માત સર્જાતા બે ના મોત થયા અને એક યુવક ઇજાગ્રસ્ત થયો હતો. નવસારીમાં નેશનલ હાઇવે નંબર 48 પર ટેમ્પોની અડફેટે 2નાં મોત થયા હતા.મુંબઈથી અમદાવાદ તરફ જતાં ટેમ્પોના ચાલકે સ્ટેયરીંગ પરથી કાબુ ગુમાવતા 4થી વધુ વાહનોને અડફેટે લીધા હતા.