Bhavnagar : લાખણકા ડેમમાં પાણીમાં ડૂબી જવાથી બે યુવાનોના મૃત્યુ, એકને બચાવવા જતા બીજો યુવાન પણ ડૂબ્યો

ડેમમાં પડેલા એક યુવકને બચાવવા જતા બીજો યુવાન પણ ડેમમાં પડ્યો હતો. જો કે આ બંન્ને યુવાનના પાણીમાં ડૂબી જવાના કારણે મૃત્યુ થયા છે. આ ઘટનાની જાણ થતા ફાયર વિભાગનો સ્ટાફ સ્થળ પર પહોંચી ગયો હતો. ફાયર સ્ટાફ દ્વારા લાખણકા ડેમમાં બંને યુવાનની શોધખોળ હાથ ધરવામાં આવી હતી.

  • Updated On - 7:54 am, Mon, 19 July 21 Edited By: Nakulsinh Gohil

Bhavnagar : બુધેલ નજીક આવેલા લાખણકા ડેમ (Lakhanka dam) માં પાણીમાં ડૂબી જવાથી બે યુવાનોના મૃત્યુ થયા છે. આ યુવાનો મિત્રો સાથે લાખણકા ડેમ પર ફરવા ગયા હતા. દરમિયાન ડેમમાં પડેલા એક યુવકને બચાવવા જતા બીજો યુવાન પણ ડેમમાં પડ્યો હતો. જો કે આ બંન્ને યુવાનના પાણીમાં ડૂબી જવાના કારણે મૃત્યુ થયા છે. આ ઘટનાની જાણ થતા ફાયર વિભાગનો સ્ટાફ સ્થળ પર પહોંચી ગયો હતો. ફાયર સ્ટાફ દ્વારા લાખણકા ડેમમાં બંને યુવાનની શોધખોળ હાથ ધરવામાં આવી હતી. આશરે બે-અઢી કલાકની જહેમત બાદ રાત્રીના 9 કલાકે કેવલ ચેતનભાઈ સોલંકીનો મૃતદેહ મળ્યો હતો, જયારે બીજા યુવાન હાર્દીક સુરેશભાઈ સોલંકીની શોધખોળ શરૂ હતી. આ બંને યુવાન શહેરના સરદારનગર પચાસ વારીયામાં રહે છે.