Ahmedabad: ભારે કરી! એક યુવકે મોબાઈલ ટાવર પર ચડીને એવી હરકતો કરી કે નજરે જોનારા સૌ કોઈ ચોંકી ગયા
એક માનસિક અસ્થિર યુવક (mentally unfit man) ઉંચા ટાવર પર ચડીને એવી હરકતો કરવા લાગ્યો કે નજરે જોનારા સૌ કોઈના જીવ તાળવે ચોંટી ગયા.
Ahmedabad: ઘણી વાર આપણી આસપાસ અમુક લોકો થકી ચિત્ર-વિચિત્ર ઘટનાઓ બનતી હોય છે. જેમાંથી અમુક ઘટનાઓ લોકોમાં ઘણી કુતૂહલ સર્જે છે. આવી જ એક ઘટના નરોડામાં બની હતી. એક માનસિક અસ્થિર યુવક (mentally unfit man) ઉંચા ટાવર પર ચડીને એવી હરકતો કરવા લાગ્યો કે નજરે જોનારા સૌ કોઈના જીવ તાળવે ચોંટી ગયા.
નરોડા (Naroda)ના મનોહરવિલા ચાર રસ્તાનો આ બનાવ છે. એક માનસિક અસ્થિર યુવક ત્યાં આવેલા એક ઉંચા મોબાઈલ ટાવર પર ચડી ગયો હતો. જેને જોવા લોકો ટોળે વળી ગયા હતા. માનસિક અસ્થિર યુવક ઊંચા ટાવર પર ચડીને યોગા કરવા લાગ્યો હતો. તેવામાં જો કોઈ દુર્ઘટના ઘટે તો શું થાય? તેવા વિચારથી જ ત્યાં હાજર લોકોના જીવ તાળવે ચોંટી ગયા હતા.
માનસિક અસ્થિર આ યુવકનું ફાયર બ્રિગેડની મદદથી સફળ રેસ્કયુ કરીને તેને સુરક્ષિત નીચે ઉતારી દેવામાં આવ્યો હતો અને સદનસીબે કોઈ જ દુર્ઘટના ઘટી ન હતી. પરંતુ એકાએક આવા વિચિત્ર દ્રશ્યો જોનારા લોકોમાં ભારે કુતૂહલ સર્જાયું હતું.
આ પણ વાંચો : Jamnagar: એરફોર્સ વાઈવ્સ વેલ્ફેર એસોશિએશન AFWWAએ જરૂરિયાતમંદ લોકોને કર્યું 500 રાહત કીટનું વિતરણ
