ANKLESHWR માં ભંગારના ગોડાઉનમાં લાગી ભીષણ આગ, ફાયર ફાઈટર ઘટનાસ્થળે પહોંચ્યા, જુઓ વિડીયો

ભરૂચ(BHARUCH) જિલ્લામાં અંકલેશ્વર (ANKLESHWAR)નેશનલ હાઇવે નજીક આવેલા સ્કેપ માર્કેટમાં આગ (FIRE IN SCRAP MARKET)ફાટી નીકળતા દોડધામ મચી ગઈ છે. સ્ક્રેપ માર્કેટ તરીકે ઓળખાતા ન્યુ ઇન્ડિયા માર્કેટમાં બપોરના સુમારે ગોડાઉનમાં અચાનક આગ ફાટી નીકળી હતી. પ્રારંભે સ્થાનિકો દ્વારા આગ ઉપર કાબુ મેળવવા પ્રયાસ કરાયો પણ આગે વિકરાળ સ્વરૂપ ધારણ કરી લીધું હતું અને બેકાબુ બનતી આગ અન્ય ગોડાઉનોને ઝપેટમાં લે તેવો ભય ઉભો થતા ફાયરબ્રિગેડને મદદ માટે કોલ અપાયો હતો. અંકલેશ્વર ડિઝાસ્ટર પ્રિવેંશન એન્ડ મેનેજમેન્ટ સેન્ટરના ૨ ફાયર ફાઈટર ઘટના સ્થળે પહોંચ્યા હતા અને આગ ઉપર પાણીનો મારો ચલાવી આગ બુઝાવવા પ્રયત્નો હાથ ધરાયા હતા.

રેકોર્ડબ્રેક ગરમી વચ્ચે ભંગારના ગોડાઉનમાં કઈ રીતે આગ લાગી તેની માહિતી હજુ સુધી સામે આવી નથી. સદનશીબે સ્ક્રેપના વેપારી અને તેના કર્મચારીઓ આગ વિકરાળ સ્વરૂપ ધારણ કરે તે પહેલા સલામત બહાર નીકળી જતા ઘટનામાં કોઈપણ પ્રકારની જાનહાની નોંધાઈ નથી. ઉલ્લેખનીય છે કે અંકલેશ્વર નજીક ભંગારના ગોડાઉનોમાં સમયાંતરે બનતી આગની ઘટનાઓ ક્યાંક ને ક્યાંક શંકા પણ ઉભી કરી રહી છે. આગની ઘટના સંદર્ભે પોલીસ , પ્રદુષણ નિયંત્રણ બોર્ડ અને ઇન્ડસ્ટ્રીયલ સેફટી એન્ડ હેલ્થ ડિપાર્ટમેન્ટની ટીમોએ સ્વતંત્ર તપાસ શરુ કરી છે.

આગ લાગી તે સમયે ગોડાઉનમાં કોઈ જોખમી રસાયણના ટ્રાન્સપોર્ટેશનના ઉપયોગમાં બેરલ , બેગ કે અન્ય ચીજો હતી કે કેમ અને તે આગની ઝપેટમાં આવી છે કે કેમ? જેવા પ્રશ્નો પણ ઉઠી રહ્યા છે. આ ઘટના કેમ બની અને તે કેટલી જોખમી છે તેની હકીકત આગ બુઝાયા બાદ સંલગ્ન ટિમની ઘટનાસ્થળની મુલાકાટ બાદજ બહાર આવશે.

આ પણ વાંચો : Bhavnagar: મહુવા માર્કેટ યાર્ડમાં ડુંગળીની અઢળક આવક પણ ભાવ તળિયે, ડુંગળીના પોષણક્ષમ ભાવ આપવા ખેડૂતોની માગણી

આ પણ વાંચો :  Kutch જિલ્લા પાણી સમિતિની બેઠક મળી, વિધાનસભા અધ્યક્ષે લોકોને પૂરતુ પાણી મળે તેની વ્યવસ્થા જાળવવા સૂચન કર્યુ