TV9 GUJARATI | Edited By: Manasi Upadhyay
Updated on: Feb 07, 2023 | 1:19 PM
સોશિયલ મીડિયામાં ક્યારે શું વાયરલ થઈ જાય તેની ખબર પડતી નથી. ખાસ કરીને પાલતું પ્રાણીઓ અને પક્ષીઓ તમને ક્યારેક આશ્ચર્યમાં મૂકી દે તેવી હરકત કરતા હોય છે. તેમાં પણ પોપટ એવું પક્ષી છે જે નકલખોરીમાં ખૂબ જ આગળ છે . ઘણી વાર એવું જોવા મળે છે કે જે ઘરમાં પોપટ હોય તે ઘરના બધા સભ્યોના નામ જાણીને તે નામ બોલે છે. પરંતુ આ પોપટ એવો છે જે પોતાનું નામ બોલે છે અને અન્ય ઘણા પ્રાણી પક્ષીઓના અવાજની નકલ કરે છે અને રડવાની નકલ તો તે એ રીતે કરે છે કે ન પૂછોને વાત. પોપટના આ ટેલેન્ટને કારણે આ વીડિયો અતિશય વાયરલ થયો છે.
કેનેડાના ન્યૂઝ પેપર The Epoch Times canada દ્વારા એમેઝોનના એક પોપટનો વીડિયો મૂકવામાં આવ્યો હતો. જે આજકાલ ખૂબ વાયરલ થઈ રહ્યો છે. કારણ કે આ પોપટ ઘણા બધા અવાજ સંભળાવીને લોકોનું મનોરંજન કરે છે. આમ તો પોપટ મીઠું મીઠું બોલવા માટે જાણીતા છે પરંતુ આ પોપટ એટલો ટેલેન્ટેડ છે કે કે તેના માલિક મહિલા તેને ચણ ખવડાવી રહ્યા છે અને તેનું નામ પૂછી રહ્યા છે તો પોપટ કહે છે કે તેનું નામ કોરબેલ છે ત્યાર બાદ આ પોપટ બાળકના રડવાની એવી તો જોરદાર નકલ કરી કે લોકો એ સાંભળીને આફ્રિન પોકારી રહ્યા છે .
જે જે લોકોએ આ વાયરલ વીડિયો જોયો તેઓ આ પોપટના વખાણ કરતા થાકતા નથી. પોપટ સરસ રીતે ગીત ગાય છે પરંતુ જ્યારે તે બાળકના રડવાની નકલ કરે છે ત્યારે તો લોકો આશ્ચર્યમાં મૂકાઈ જાય છે આથી તેને ફરીથી કહેવામાં આવે છે કે તે ફરીથી એક વાર રડે. વળી તે જ્યારે ખાંસી ખાય ત્યારે પણ તેની આ મીમીક્રીની કળા જોવા મળે છે.
આ પોપટનો વીડિયો હાલમાં ખૂબ જ વાયરલ થઈ રહ્યો છે અને લોકો આ પોપટના વખાણ કરતા થાકતા નથી. અને વારંવાર આ વીડિયો જોવાની મજા લઈ રહ્યા છે.
Copyright © 2023 TV9 Gujarati. All Rights Reserved.
