Viral video: લો બોલો, હવે આ જ જોવાનું બાકી રહ્યું હતું, સાપને શેમ્પુથી નવડાવ્યો, જુઓ Viral Video

તમે ઘણી વાર પાણીમાં સાપ તરતા જોયા હશે, પણ શું તમે ક્યારેય કોઈને ઘસી-ઘસીને નવડાવતા જોયા છે? સોશિયલ મીડિયા પર એક વીડિયો ઝડપથી વાયરલ થઈ રહ્યો છે. આ વીડિયોમાં એક માણસ એક વિશાળ કિંગ કોબ્રાને નવડાવતો જોવા મળે છે.

Man Washes King Cobra with Shampoo

Meera Kansagara | Updated on: Sep 24, 2025 | 5:25 PM

શું તમે ક્યારેય સાપને નહાતો જોયો છે? જો નહીં તો આ વીડિયો તમને આશ્ચર્યચકિત કરશે. હા, એક માણસે એક ખતરનાક કોબ્રાને ઘસીને નવડાવ્યો. વીડિયોમાં એક માણસ એક મોટા સાપ પર શેમ્પૂ લગાવીને તેને નવડાવતો દેખાય છે. આ વીડિયો સોશિયલ મીડિયા પર ઝડપથી વાયરલ થઈ રહ્યો છે. આ વીડિયો ચોક્કસ કોઈને પણ આશ્ચર્યચકિત કરશે.

ડરની સાથે રમુજી કોમેન્ટ્સ પણ આપી

તેને સોશિયલ મીડિયા પ્લેટફોર્મ પર @AMAZlNGNATURE નામના આઈડીથી શેર કરવામાં આવ્યો છે. આ વીડિયો ઈન્ટરનેટ પર ધૂમ મચાવી રહ્યો છે. આ અનોખા દ્રશ્યને જોઈને લોકો આશ્ચર્ય અને ડરની સાથે રમુજી પ્રતિક્રિયાઓ પણ આપી રહ્યા છે. વીડિયોમાં તે માણસ સાપને હાથમાં પકડીને તેના શરીર પર શેમ્પૂ ઘસે છે અને પછી તેને પાણીથી ધોઈ નાખે છે, જે સામાન્ય રીતે કોઈની કલ્પના બહાર છે.

આ વીડિયો ઇન્ટરનેટ પર ઝડપથી વાયરલ થઈ રહ્યો છે. વીડિયોમાં એક માણસ સફેદ શેમ્પૂની બોટલ પકડીને સાપના આખા શરીર પર લગાવતો જોઈ શકાય છે. સાપ શરૂઆતમાં સ્નાન ટાળવાનો પ્રયાસ કરે છે, માણસના ખભા પર ચોંટી જવાનો પણ પ્રયાસ કરે છે.

જોકે તે માણસ તેને જવા દેતો નથી. સાપ ક્યારેક હરકત કરે છે અને ક્યારેક શાંત થઈ જાય છે. આ સમય દરમિયાન તે માણસ સાપ પર શેમ્પૂ લગાવે છે અને પછી તેને પાણીથી ધોઈ નાખે છે.

કોમેન્ટ્સનો થયો વરસાદ

સોશિયલ મીડિયા યુઝર્સ તરફથી આ વીડિયો પર અસંખ્ય પ્રતિક્રિયાઓ આવી છે. ઘણા લોકોએ માણસની હિંમતની પ્રશંસા કરી છે, જ્યારે અન્ય લોકોએ તેને ખતરનાક ગણાવ્યું છે. એક યુઝર્સે મજાકમાં લખ્યું છે, “સાપને પણ સફાઈની જરૂર છે?” બીજાએ લખ્યું છે, “શેમ્પૂ ટ્રીટમેન્ટ.” બીજા વપરાશકર્તાએ આ હરકતને ડરામણી ગણાવી છે.