લેમ્પ ચોરી કરતા CCTV માં કેદ થયો પોલીસકર્મી, લોકોએ કહ્યું- સેલરી નથી મળી રહી કે શું?
એક પોલીસ અધિકારી બલ્બ ચોરી કરતો જોવા મળી રહ્યો છે. તેનું આ કૃત્ય સીસીટીવી કેમેરામાં કેદ થયું હતું, જેના પછી લોકો તે પોલીસકર્મીની મજાક ઉડાવી રહ્યા છે, સાથે જ પોલીસ વિભાગે પણ તેની સામે કડક કાર્યવાહી હાથ ધરી છે.
પોલીસ(Police)નું કામ લોકોની સુરક્ષા કરવાનું અને ગુનેગારોને ગુના કરતા અટકાવવાનું અને તેમને સજા કરાવવાનું છે, પરંતુ જો પોલીસ જ ચોર બની જાય તો? જો કે આવું સામાન્ય રીતે જોવા મળતું નથી, પરંતુ કેટલીકવાર પોલીસકર્મીઓ કંઈક ચોરી કરતા કેમેરામાં ઝડપાઈ જાય છે. આવો જ એક વીડિયો આજકાલ સોશિયલ મીડિયા પર વાયરલ (Viral Video)થઈ રહ્યો છે, જેમાં એક પોલીસ અધિકારી બલ્બ ચોરી કરતો જોવા મળી રહ્યો છે. તેનું આ કૃત્ય સીસીટીવી કેમેરામાં કેદ થયું હતું, જેના પછી લોકો તે પોલીસકર્મીની મજાક ઉડાવી રહ્યા છે, સાથે જ પોલીસ વિભાગે પણ તેની સામે કડક કાર્યવાહી હાથ ધરી છે.
વીડિયોમાં તમે જોઈ શકો છો કે એક પોલીસકર્મી ખિસ્સામાં હાથ નાખીને આવે છે અને થોડીવાર અહીં-ત્યાં ફર્યા પછી ખિસ્સામાંથી હાથ કાઢીને ત્યાં રહેલા LED બલ્બને બહાર કાઢે છે. પછી બલ્બને ખિસ્સામાં મૂકે છે અને આરામથી નીકળી જાય છે.
તમે ઘણા ચોરોને આ રીતે ચોરી કરતા જોયા હશે, પરંતુ પોલીસવાળાને ચોરી કરતા જોઈને ખૂબ જ નવાઈ લાગે છે. આ મામલો ઉત્તર પ્રદેશના પ્રયાગરાજનો જણાવવામાં આવી રહ્યો છે અને દાવો કરવામાં આવી રહ્યો છે કે આ ચોરીની ઘટનાને અંજામ આપનાર પોલીસકર્મી યુપી પોલીસમાં ઈન્સ્પેક્ટર તરીકે તૈનાત છે.
મીડિયા રિપોર્ટ્સ અનુસાર, આ વીડિયો વાયરલ થયા બાદ ઈન્સ્પેક્ટરને સસ્પેન્ડ કરવામાં આવ્યા છે. તે ફુલપુર પોલીસ સ્ટેશનમાં તૈનાત છે. આ વીડિયો સોશિયલ મીડિયા પ્લેટફોર્મ ટ્વિટર પર @USIndia_ નામની આઈડીથી શેર કરવામાં આવ્યો છે. 28 સેકન્ડના આ વીડિયોને અત્યાર સુધીમાં 9 હજારથી વધુ વખત જોવામાં આવ્યો છે, જ્યારે સેંકડો લોકોએ આ વીડિયોને લાઈક પણ કર્યો છે.
यूपी पुलिस का ‘बल्ब चोर’ दारोगा | Unseen India pic.twitter.com/NJcwF44sqn
— UnSeen India (@USIndia_) October 14, 2022
લોકોએ વીડિયો જોયા પછી વિવિધ પ્રકારની પ્રતિક્રિયાઓ આપી છે. એક યુઝરે લખ્યું છે કે, ‘તો આ લોકો પણ ચોરી કરે છે. જ્યારે અન્ય એક યુઝરે મજાકમાં લખ્યું, ‘સેલરી નહીં આ રાહી હૈ સહી સે ક્યા’.
