Instagram Viral Video : ના ડીજે, ના ડાન્સ…માત્ર કલાથી જીત્યું દુલ્હનનું હ્રદય, વરરાજાએ બનાવ્યું અદભૂત પેન્ટિંગ
Instagram Viral Video : આ સુંદર વીડિયો સોશિયલ મીડિયા પ્લેટફોર્મ ઈન્સ્ટાગ્રામ પર varun.jarsania નામની આઈડી સાથે શેર કરવામાં આવ્યો છે અને કેપ્શનમાં લખ્યું છે, 'વર માટે તેની દુલ્હન માટે ડાન્સ કરવો ખૂબ જ સામાન્ય છે. કંઈક અલગ જુઓ. મારી વહુ અને હવે પત્ની માટે મારો પ્રેમ.
લગ્ન એક એવી ક્ષણ છે, જે માત્ર બે વ્યક્તિઓ વચ્ચે જ નહીં પરંતુ બે પરિવારો વચ્ચે પણ ખુશીઓ લાવે છે. વર અને કન્યા લાંબા સમયથી આ ક્ષણની રાહ જોઈ રહ્યા છે અને જ્યારે આ ક્ષણ આવે છે, ત્યારે તેમની ખુશીનો કોઈ પાર નથી. તમે જોયું જ હશે કે લગ્નોમાં ખૂબ જ ધામધૂમ, ડાન્સ અને સંગીત હોય છે, કારણ કે આના વિના લગ્નને લગ્ન કહેવાય નહીં. તમે લગ્નમાં સ્ટેજ પર વર-કન્યાને ડાન્સ કરતા જોયા હશે, પરંતુ શું તમે ક્યારેય લગ્ન દરમિયાન વરરાજાને લાઈવ પેઇન્ટિંગ બનાવતા જોયા છે? હા, આજકાલ એક એવો જ વીડિયો સોશિયલ મીડિયા પર વાયરલ થઈ રહ્યો છે, જેને જોઈને તમારું દિલ પણ ખુશીથી ભરાઈ જશે.
વાસ્તવમાં, આ વીડિયોમાં વરરાજા તેની દુલ્હનની પેઇન્ટિંગ બનાવતો જોવા મળે છે. તેણે એવું સરસ ચિત્ર બનાવ્યું કે આ જોઈને દુલ્હન રાજી થઈ ગઈ છે. તેની પ્રતિક્રિયા જોવા જેવી છે. વીડિયોમાં તમે જોઈ શકો છો કે, કેવી રીતે વરરાજા તેના લગ્ન સમારોહ દરમિયાન અચાનક ચિત્રકાર બની જાય છે અને પેઇન્ટિંગ બ્રશ ઉપાડીને બોર્ડ પર કંઈક દોરવાનું શરૂ કરે છે. પહેલા તો સમજાતું નહોતું કે તે શું બનાવી રહ્યો છે, કારણ કે વ્હાઇટ બોર્ડ પર તે અહીં-તહીં કાળા રંગથી રંગવા લાગ્યો હતો. વીડિયોમાં છેલ્લે જાણવા મળ્યું છે કે તેણે એક માનવીની પેઇન્ટિંગ બનાવી છે, પરંતુ તેને ઉલ્ટી બનાવી હતી પછી જ્યારે તે બોર્ડ ઉપાડીને પેઇન્ટિંગને સીધી કરે છે, ત્યારે ખબર પડે છે કે વાસ્તવમાં તેણે તેની દુલ્હનની સુંદર પેઇન્ટિંગ બનાવી છે. આ જોઈને કન્યાની ખુશીનો પાર ન રહ્યો.
વીડિયોમાં જુઓ કલાકાર વરનું અદભૂત કલાકારી
View this post on Instagram
આ સુંદર વીડિયો સોશિયલ મીડિયા પ્લેટફોર્મ ઈન્સ્ટાગ્રામ પર varun.jarsania નામની આઈડી સાથે શેર કરવામાં આવ્યો છે અને કેપ્શનમાં લખ્યું છે, ‘વર માટે તેની દુલ્હન માટે ડાન્સ કરવો ખૂબ જ સામાન્ય છે. કંઈક અલગ જુઓ. મારી વહુ અને હવે પત્ની માટે મારો પ્રેમ.
આ વીડિયોને અત્યાર સુધીમાં 1.2 મિલિયન એટલે કે 12 લાખ વખત જોવામાં આવ્યો છે, જ્યારે 2 લાખથી વધુ લોકોએ વીડિયોને લાઈક કર્યો છે અને વિવિધ પ્રતિક્રિયાઓ આપી છે. કેટલાકે દુલ્હનને ‘લકી’ કહી છે, તો કેટલાક કહી રહ્યા છે કે ‘હું પણ મારા લગ્નમાં આવું જ કરીશ’.
Latest News Updates
