Antarctica ના બરફ પર જોવા મળ્યુ Indian Art, આનંદ મહિન્દ્રા એ શેયર કર્યો Video
હાલમાં સોશિયલ મીડિયા પર આનંદ મહિન્દ્રા એ એક વીડિયો શેયર કર્યો છે. જે આ વાતની સાબિતી આપશે. આ વીડિયો સોશિયલ મીડિયા પર ખુબ વાયરલ (Viral Video) થઈ રહ્યો છે.
Onam in Antarctica : ભારત એક વિશાળ દરિયો, કુદરતી સંપતિ અને ઐતિહાસિક વારસો ધરાવતું દેશ છે. ભારત દેશ જેટલો સુંદર છે એટલા જ સુંદર છે અહીંના તહેવારો, પરંપરાઓ અને લોકો. ભારતની બહાર અનેક લોકો રોજગારી, શિક્ષણ અને સારા ભવિષ્ય માટે જતા હોય છે. તેઓ ભારતની બહાર ભલે જાય પણ, ભારત તેમના દિલમાંથી ક્યારેય બહાર નથી નીકળતું. હાલમાં સોશિયલ મીડિયા પર આનંદ મહિન્દ્રા એ એક વીડિયો શેયર કર્યો છે. જે આ વાતની સાબિતી આપશે. આ વીડિયો સોશિયલ મીડિયા પર ખુબ વાયરલ (Viral Video) થઈ રહ્યો છે.
આનંદ મહિન્દ્રા એ શેયર કરેલા આ વીડિયોમાં કેટલાક લોકો બરફ પર ભારતીય આર્ટ બનાવતા દેખાય છે. આ વીડિયો અંટાર્કટિકામાં ઓણમ તહેવાર ઉજવતા લોકોનો છે. ભારતના જાણિતા ઉદ્યોગપતિ આનંદ મહિન્દ્રા એ શેયર કરેલા વીડિયોમાં લોકો બરફ પર હથોડાની મદદથી ચિત્રો બનાવતા નજરે પડે છે. તેમણે જોતજોતામાં એક સરસ મજાની રંગોળી બનાવી હતી. તેમણે વીડિયોના કેપ્શનમાં લખ્યુ છે કે, તમે ભારતીયોને ઓણમ તહેવાર ઉજવતા અંટાર્કટિકામાં પણ નહીં રોકી શકો
આનંદ મહિન્દ્રાએ શેયર કરેલો વીડિયો
You cannot prevent Indians from celebrating Onam. Even in Antarctica. Outstanding. 👏🏽👏🏽👏🏽 pic.twitter.com/JH2jTeCDQ2
— anand mahindra (@anandmahindra) September 21, 2022
આ સુંદર વીડિયો આનંદ મહિન્દ્રાએ પોતાના ટ્વિટર હેન્ડલ પરથી શેયર કર્યો છે. સોશિયલ મીડિયા યુઝર આ વીડિયોને ખુબ પસંદ કરી રહ્યા છે. સોશિયલ મીડિયા યુઝર આ વીડિયોને શેયર કરવાની સાથે સાથે તેના પર પોતાની પ્રતિક્રિયા પણ આપી છે. એક યુઝરે લખ્યુ છે કે, તમે ભારતની બહાર જઈ શકો છો પણ તમારામાંથી ભારત બહાર નહીં નીકળી શકે. બીજા એક યુઝરે લખ્યુ છે કે, ભારતના લોકો મહાન છે. અન્ય એક યુઝરે લખ્યુ છે કે, ભારતીયને પોતાની ઓળખ જણાવવાની જરુર નથી પડતી તેમના તહેવારો અને તેમની કળા જ તેમની ઓળખ છે. આનંદ મહિન્દ્રા એ શેયર કરેલો આ વીડિયો લોકોને દિલને સ્પર્શી ગયો હતો.