Shocking Video: માત્ર 1 સેકન્ડથી મહિલાનો બચી ગયો જીવ, પોલીસકર્મી બન્યો જીવરક્ષક, જુઓ દિલઘડક VIDEO

સતર્કતા એ એકમાત્ર બચાવ છે, તમે આ સાંભળ્યું જ હશે અને ઘણી જગ્યાએ આવું લખેલું જોયું પણ હશે. જો કે આ વાત જાણવા છતાં લોકો આ બાબતે બહુ ધ્યાન આપતા નથી અને આવી સ્થિતિમાં ક્યાંક ને ક્યાંક અકસ્માતનો ભોગ બને છે. તેથી તમે ચાલતા હોવ કે કારમાં, હંમેશા સાવધાની રાખો. આ સિવાય ઘણા લોકોને એવી આદત પણ હોય છે કે રેલવે સ્ટેશન (Railway station) પર એક પ્લેટફોર્મ પરથી બીજા પ્લેટફોર્મ પર જવા માટે લોકો સીડીનો ઉપયોગ કરતા નથી, પરંતુ પાટા પર ચાલવા લાગે છે. ક્યારેક આ આદત જીવલેણ પણ સાબિત થાય છે.

આજકાલ સોશિયલ મીડિયા પર આવો જ એક વીડિયો વાયરલ (Viral Video) થઈ રહ્યો છે. જેમાં એક મહિલા અચાનક પાટા પર આવે છે અને તે જ સમયે એક સ્પીડમાં આવતી ટ્રેન ત્યાંથી પસાર થવા જઈ રહી છે. તે નસીબદાર છે કે એક પોલીસકર્મી તેના જીવના જોખમે મહિલાનો જીવ બચાવે છે.

વીડિયોમાં તમે જોઈ શકો છો કે કેવી રીતે પોલીસકર્મી મહિલાને હાથના ઈશારાથી ત્યાં રોકવા માટે કહે છે, પરંતુ મહિલા તેની વાત સાંભળતી નથી અને ટ્રેન આવવાની થોડીક સેકન્ડ પહેલાં જ સાચા ટ્રેક પર પહોંચી જાય છે. હવે મહિલાનો જીવ જોખમમાં છે તે જોઈને યુવકે પોતાના જીવની પણ પરવા નથી કરી અને મહિલાને બચાવવા માટે ટ્રેક તરફ ભાગ્યો. ટ્રેન આવવાના માત્ર 1-2 સેકન્ડ પહેલા તે મહિલાને પ્લેટફોર્મ પર પોતાની તરફ ખેંચે છે, જેનાથી તેનો જીવ બચી જાય છે. જવાનની આ તત્પરતા અને હિંમતની જેટલી પ્રશંસા કરીએ તેટલી ઓછી છે. એક રીતે તેણે સ્ત્રીને બીજું જીવન આપ્યું છે.

વીડિઓ જુઓ….

આ ચોંકાવનારો વીડિયો (Shocking Video) IAS ઓફિસર અવનીશ શરણે (IAS Officer Avanish Sharan) સોશિયલ મીડિયા પ્લેટફોર્મ ટ્વિટર પર શેર કર્યો છે અને જવાનને તેની હિંમત માટે સલામ કરી છે. માત્ર 37 સેકન્ડના આ ચોંકાવનારા વીડિયોને અત્યાર સુધીમાં 5 લાખથી વધુ વખત જોવામાં આવ્યો છે, જ્યારે 31 હજારથી વધુ લોકોએ આ વીડિયોને લાઈક કરીને વિવિધ પ્રતિક્રિયાઓ પણ આપી છે. જવાનને તેની બહાદુરી પર દરેક લોકો સલામ કરી રહ્યા છે.