પોપટનો આવો અંદાજ તમે પહેલા ક્યારેય નહીં જોયો હોય, Viral વીડિયો જોઈ હસવું નહીં રોકી શકો

સૈન્યની પરેડ કરતી વખતે તમે જોયું જ હશે કે તેઓ કેવી રીતે સ્ટેપ બાય સ્ટેપ અને લય સાથે આગળ વધે છે. તેમના ચાલવાનો અવાજ પણ એક જેવો જ આવે છે. આ ખૂબ જ આશ્ચર્યજનક નજારો છે, જેને જોઈને દેશના લોકો પણ ઉત્સાહિત થઈ જાય છે. પરંતુ શું તમે ક્યારેય પોપટને આ રીતે ચાલતા જોયા છે? આજકાલ આવો જ એક ફની વીડિયો સોશિયલ મીડિયા પર ખૂબ વાયરલ (Viral Video) થઈ રહ્યો છે, જેમાં એક પોપટ શાનદાર અંદાજમાં ચાલતો જોવા મળે છે. તેને જોઈને લાગે છે કે તેણે પરેડની કોઈ તાલીમ લીધી છે. જો કે સોશિયલ મીડિયા પર અવારનવાર તમામ પ્રકારના વીડિયો વાયરલ થતા હોય છે, પરંતુ પોપટનો આ વીડિયો (Parrot funny Video) સાવ અલગ અને ફની છે.

આમ તો પોપટને ખૂબ જ બુદ્ધિશાળી જીવ માનવામાં આવે છે. તેને જે પણ શીખવવામાં આવે છે, તે ઝડપથી શીખે છે. વિશ્વમાં આવા ઘણા પોપટ છે, જેમાં તેઓ માનવ અવાજની બરાબર નકલ કરી શકે છે. હાલમાં જ એક પોપટનો વીડિયો વાયરલ થયો હતો, જેમાં તે iPhoneની રિંગટોનની નકલ કરતો જોવા મળ્યો હતો. આ વાઈરલ થઈ રહેલા વીડિયોમાં પોપટ અવાજની નકલ નથી કરી રહ્યો, પરંતુ તે ચાલવાની નકલ કરતો જોવા મળે છે.

Don’t tell @JohnCleese.. 😅 pic.twitter.com/9SKRqNesgF

— Buitengebieden (@buitengebieden_) January 24, 2022

વીડિયોમાં તમે જોઈ શકો છો કે કેવી રીતે પોપટ ચાલતી વખતે જોરશોરથી પોતાના પગ જમીન પર પછાડી રહ્યો છે, જેના કારણે અવાજ આવી રહ્યો છે. એવું લાગે છે કે તે પણ આર્મી પરેડમાં ભાગ લેવા જઈ રહ્યો છે અને તેના માટે તેણે ખાસ ટ્રેનિંગ લીધી છે. આ વીડિયો તમારા હૃદયને ચોક્કસ સ્પર્શી જશે.

આ ફની વીડિયોને સોશિયલ મીડિયા પ્લેટફોર્મ ટ્વિટર પર @buitengebieden_ નામથી શેર કરવામાં આવ્યો છે, જેને અત્યાર સુધીમાં 3 લાખ 85 હજારથી વધુ વખત જોવામાં આવ્યો છે, જ્યારે 17 હજારથી વધુ લોકોએ આ વીડિયોને લાઈક પણ કર્યો છે. ઘણા લોકોએ વીડિયો જોયા પછી ફની કમેન્ટ્સ પણ કરી છે. એક યુઝરે લખ્યું, ‘ખૂબ જ ફની. તે ફોલ્ટી ટાવર્સ જોતો હોવો જોઈએ’, જ્યારે અન્ય યુઝરે પણ પોતાની કમેન્ટ્સ દ્વારા પ્રતિક્રિયા આપી છે.

આ પણ વાંચો: ખતમ નથી થઈ રહી ઉત્તર કોરિયાની હથિયારોની ભૂખ, બેલેસ્ટિક બાદ હવે બે ક્રૂઝ મિસાઈલોનું કર્યું પરીક્ષણ

આ પણ વાંચો: ઠંડીમાં દૂધાળા પશુઓની રાખો ખાસ કાળજી, દૂધ ઉત્પાદન વધારવા અપનાવો આ રીત