ગજબ….રેલવે લાઈન પર અથડાયું ઓઈલ ટેન્કર, પછી આવી રીતે પસાર થઈ માલગાડી

કેટલીક જગ્યાએ ખૂબ જ સાવચેતી રાખવાની જરૂર છે, નહીં તો અકસ્માત (Accident) થવામાં સમય નથી લાગતો. ઉદાહરણ તરીકે, ટ્રાફિક લાઇટ અને રેલવે લાઇનની (Railway line) આસપાસના સ્થળોએ ખાસ કરીને સતર્ક રહેવાની જરૂર છે. જો કે, ઘણા લોકો એવા છે જેઓ આ બાબતો પર ધ્યાન આપતા નથી અને અકસ્માતને નોતરે છે. તમે જોયું જ હશે કે કેવી રીતે લોકો બંધ રેલવે ફાટકની અવગણના કરે છે અને ક્રોસ કરવા લાગે છે અને પોતાનો જીવ જોખમમાં મૂકે છે. ક્યારેક લોકો મોટા વાહનો લઈને આરામથી રેલવે ટ્રેક ક્રોસ (Railway track cross) કરવા લાગે છે. તે કેટલું ખતરનાક હોઈ શકે છે, તેનું તાજેતરનું ઉદાહરણ મેક્સિકોમાં જોવા મળ્યું છે, જે તમને આશ્ચર્ય પમાડશે.

વાસ્તવમાં રેલવે લાઈન આગની નદી બની ગઈ છે અને તે નદીમાંથી એક માલગાડી પસાર થતી જોવા મળે છે. તેનો વીડિયો સોશિયલ મીડિયા પર ઝડપથી વાયરલ થઈ રહ્યો છે. વીડિયોમાં તમે જોઈ શકો છો કે, ઓવરબ્રિજની નીચે ઘણા બધા વાહનો પાર્ક છે અને સામે રેલવે ટ્રેક પર ભીષણ આગ લાગી છે, જેમાંથી ધુમાડો ઉપર સુધી નીકળી રહ્યો છે. આ આગની વચ્ચેથી એક માલગાડી ઝડપથી પસાર થતી જોવા મળે છે. શરૂઆતમાં થોડી આગ લાગી હોય તેવું લાગી રહ્યું હતું, પરંતુ બાદમાં આગે વિકરાળ સ્વરૂપ ધારણ કરી લીધું હતું, ત્યારબાદ વાહનોમાં બેઠેલા લોકો પણ ડરી ગયા હતા અને પોત-પોતાના વાહનો છોડીને ભાગવા લાગ્યા હતા.

જુઓ આ ચોંકાવનારો વીડિયો

મળતી માહિતી મુજબ, ગુરુવારે રેલવે લાઇન પર એક ઓઇલ ટેન્કર ક્રેશ થયું હતું. જેના કારણે ભીષણ આગ લાગી હતી. આ દરમિયાન આસપાસના ઘરોમાં પણ ઘણા લોકો હાજર હતા. જો કે, સદનસીબે આ અકસ્માતમાં કોઈને નુકસાન થયું નથી. માત્ર એક વ્યક્તિને શ્વાસ લેવામાં થોડી તકલીફ થઈ હતી.

અકસ્માતનો આ વીડિયો સોશિયલ મીડિયા પ્લેટફોર્મ ટ્વિટર પર @DredreBabb નામની આઈડીથી શેર કરવામાં આવ્યો છે. માત્ર 35 સેકન્ડના આ વીડિયોને અત્યાર સુધીમાં 7 લાખ 29 હજારથી વધુ વખત જોવામાં આવ્યો છે.