Jugaad: ઊંચા વૃક્ષો પરથી ફળો તોડવા માટે એક વ્યક્તિએ બનાવી આ વસ્તુ, વીડિયો જોઈને સારા એન્જિનિયરો પણ રહી જશે દંગ

દેશી જુગાડ (Desi Jugaad) સાથે જોડાયેલા કેટલાક ફની વીડિયો સોશિયલ મીડિયા પર વાયરલ થતા રહે છે. આ જુગાડના વીડિયો જોયા પછી ઘણી વખત હાસ્ય આવે છે, જ્યારે કેટલીકવાર આશ્ચર્ય પણ થાય છે. હવે જરૂરી નથી કે માત્ર શિક્ષિત કે ટેકનિકલ લોકો જ કંઈક અલગ કરી શકે. દેશમાં એવી પ્રતિભાઓની કોઈ કમી નથી કે જેઓ જુગાડ દ્વારા પોતાનું કામ કેવી રીતે પાર પાડવા તે જાણતા નથી! હાલમાં ઝાડના ઊંચા ફળો તોડવાનો અદ્ભુત જુગાડ વીડિયો (Amazing Video) આ દિવસોમાં સોશિયલ મીડિયા પર વાયરલ થઈ રહ્યો છે. જેને જોઈને તમે પણ વાહ-વાહ કરવા લાગશો.

વાયરલ થઈ રહેલા વીડિયોમાં તમે જોઈ શકો છો કે, એક વ્યક્તિએ પ્લાસ્ટિકની બોટલ અને પ્લાસ્ટિકની પાઇપ અને દોરડાનો ઉપયોગ કરીને ફ્રુટ બ્રેકર બનાવ્યું છે. ત્યારપછી વ્યક્તિએ પ્લાસ્ટિકની બોટલની મદદથી સરળતાથી ફળ તોડીને બતાવ્યું કે તેનો જુગાડ કેટલો ઉપયોગી છે. આ જુગાડ જોઈને તમે પણ દંગ રહી ગયા હશો અને વિચારને સલામ કરવાનું મન થયું હશે.

અહીં વીડિયો જુઓ….

આ વસ્તુથી લોકોને હવે ફળો તોડવામાં કોઈ મુશ્કેલી નહીં પડે અને ફળો પણ સુરક્ષિત રહેશે.આ વીડિયોને ટ્વિટર પર ‘@archie65’ નામથી શેયર કરવામાં આવ્યો છે. જેને સમાચાર લખાય ત્યાં સુધી 13 લાખથી વધુ વ્યૂઝ મળી ચૂક્યા છે. આ સાથે લોકો આ વીડિયો પર કોમેન્ટ કરીને પોતાનો પ્રતિભાવ આપી રહ્યા છે.

એક યુઝરે કોમેન્ટ કરતાં લખ્યું, વાહ! દેશી જુગાડ ઝિંદાબાદ..! જ્યારે અન્ય એક યુઝરે કોમેન્ટ કરીને લખ્યું, આ આઈડિયા એકદમ શાનદાર છે. આ સિવાય અન્ય ઘણા યુઝર્સે આ વીડિયો પર ફની કોમેન્ટ્સ કરી છે.