ખતરનાક અજગર સાથે વહાલ, પછી લગાવ્યો ગળે, ચોંકાવનારો વાયરલ વીડિયો જોઈ લોકોના ઉડ્યા હોંશ

સાપ નાનો હોય કે મોટો, તેને જોતા જ લોકોની હાલત ખરાબ થઈ જાય છે. કારણ કે જો તે કરડે તો મૃત્યુ પણ થઈ શકે છે. આ જ કારણ છે કે લોકો આ જીવથી દૂર રહેવામાં જ તેમની ભલાઈ માને છે. પરંતુ એક માણસ એક વિશાળ અજગર (Python Viral Video)ને ગળે લગાવતો અને પાલતુ કૂતરો હોય તેમ લાડ લડાવતો કેમેરામાં કેદ થયો છે. સોશિયલ મીડિયા પર વાયરલ થઈ રહેલા આ વીડિયોને જોઈને કોઈના પણ હૃદયના ધબકારા વધી શકે છે. વાયરલ ક્લિપ (Viral Video)માં જોઈ શકાય છે કે અજગર કેટલો ખતરનાક અને ભારે દેખાય છે. આ વીડિયો જોઈને લોકો દંગ રહી ગયા છે.

વાયરલ થઈ રહેલા વીડિયોમાં તમે જોઈ શકો છો કે બિલ્ડિંગની બહાર એક વ્યક્તિ વિશાળ અજગર લઈને બેઠો છે અને લોકોને આ સાપ વિશે જણાવી રહ્યો છે. એટલું જ નહીં, તે વચ્ચે પ્રેમથી અજગરના ફેણને પણ ગળે લગાવે છે. આ વીડિયો ખરેખર ચોંકાવનારો છે. કારણ કે આ પ્રાણીને જોઈને લોકોની આત્મા કંપી જાય છે, આ માણસ તેની સાથે ખૂબ જ આરામથી વહાલ કરતો જોવા મળે છે.

આ ખૂબ જ ચોંકાવનારો વીડિયો ઈન્સ્ટાગ્રામ પર jayprehistoricpets નામના એકાઉન્ટથી શેર કરવામાં આવ્યો છે. યુઝરે કેપ્શનમાં લખ્યું છે કે, ‘જો એક તસવીર હજાર શબ્દો કહે છે, તો વીડિયો કેટલું કહેશે.’ આપને જણાવી દઈએ કે વીડિયોમાં દેખાતો વ્યક્તિ ‘ધ રેપ્ટાઈલ ઝૂ’ના ફાઉન્ડર જે બ્રુઅર છે. તે ઘણીવાર તેના ઇન્સ્ટાગ્રામ પેજ પર પ્રાણીઓ સાથેના રસપ્રદ વીડિયો શેર કરે છે.

View this post on Instagram

A post shared by Jay Brewer (@jayprehistoricpets)

થોડા કલાકો પહેલા અપલોડ કરાયેલા આ વીડિયોને અત્યાર સુધીમાં લગભગ 1 લાખ લોકોએ લાઈક કર્યો છે. ત્યારે ઘણા લોકોએ આ અંગે પ્રતિક્રિયા પણ આપી છે. એક યુઝરે કોમેન્ટ કરીને લખ્યું, અવિશ્વસનીય. ત્યારે અન્ય એક વપરાશકર્તા કહે છે કે, તે ખૂબ જ સુંદર અજગર છે. પરંતુ આવા જીવોથી દૂર રહેવું સારું. અન્ય એક યુઝરે કોમેન્ટ કરતા લખ્યું કે, મને તેનો લુક અદભૂત લાગ્યો.