Viral : રાજ્યસભામાં ઉશ્કેરાયા જયા બચ્ચન ! ભાજપને શ્રાપ આપ્યા બાદ સોશિયલ મીડિયા પર થયા ટ્રોલ

Viral : સંસદમાં સોમવારે ભારે હોબાળો થયો હતો. રાજ્યસભામાં (Rajya Sabha) નાર્કોટિક ડ્રગ્સ એન્ડ સાયકોટ્રોપિક સબસ્ટન્સ (સુધારા) બિલ 2021 પર ચર્ચા ચાલી રહી હતી. આ દરમિયાન જયા બચ્ચનનો(Jaya Bachchan)  ઉગ્ર ગુસ્સો જોવા મળ્યો હતો. તેમનો ગુસ્સો એટલો વધી ગયો હતો કે તેમણે સરકારને શ્રાપ આપી દીધો. તેમણે સાંસદોને કહ્યું કે, જો તમે આવું વલણ રાખશો તો તમારા ખરાબ દિવસો બહુ જલ્દી આવશે.

જયા બચ્ચનનો ગુસ્સો સાત આસમાને

ઉપરાંત જ્યારે તેમને નાર્કોટિક્સ બિલ પર બોલતા વચ્ચે જ અટકાવવામાં આવ્યા ત્યારે તેમણે ઉશ્કેરાઈને કહ્યું કે, તમે વાત પણ કરવા દેતા નથી,અમારા લોકોનું ગળું દબાવી દો. જેના પર એક સંસદ સભ્યએ તેના પર અંગત ટિપ્પણી કરી, જે પછી તે વધુ ઉશ્કેરાયેલા જોવા મળ્યા. તેમણે કહ્યું કે આ વ્યક્તિ વિરુદ્ધ કાર્યવાહી થવી જોઈએ, તેઓ કોઈ વ્યક્તિ વિશે અંગત ટિપ્પણી કેવી રીતે કરી શકે.

તેમણે વધુમા કહ્યુ કે, તમારા જલ્દી ખરાબ દિવસો આવશે, હું શ્રાપ આપુ છું. હવે જયા બચ્ચનના આ નિવેદનનો વીડિયો સોશિયલ મીડિયા પર ખૂબ વાયરલ થઈ રહ્યો છે. #JayaBachchan ટ્વિટર પર ટ્રેન્ડ થઈ રહ્યુ છે. લોકો અલગ-અલગ પ્રકારના મીમ્સ શેર કરીને રમુજી પ્રતિક્રિયા આપતા જોવા મળી રહ્યા છે.

જુઓ ફની મીમ્સ

આ સાથે યુઝર્સ પ્રતિક્રિયા આપી રહ્યા છે કે, જયા બચ્ચને ED નો ગુસ્સો રાજ્ય સભામાં ઠાલવ્યો છે.ઉલ્લેખનીય છે કે, પનામા પેપર્સ મામલે EDએ 6 કલાક સુધી ઐશ્વર્યા બચ્ચનની (Aishwariya Rai Bachchan) પુછપરછ કરી હતી.

આ પણ વાંચો : ‘હિરો નંબર 1’ નો અનોખો અંદાજ : બોલિવુડ અભિનેતા ગોવિંદાએ એરપોર્ટ પર ફેન્સ સાથે આ રીતે ઉજવ્યો જન્મદિવસ, જુઓ VIDEO

આ પણ વાંચો : અદ્ભૂત અંતિમ સફર : આઈસ્ક્રીમ વેચનારની અંતિમ યાત્રામાં ઉમટી જનમેદની, જુઓ VIDEO