ભારતના યુવા વિકેટ કીપર બેટ્સમેન ઈશાન કિશનને મુંબઈ ઈન્ડિયન્સે 15.25 કરોડ રૂપિયા ખર્ચીને ફરી એકવાર ટીમમાં સામેલ કર્યો છે. હરાજીમાં આ બોલી સાથે, સોશિયલ મીડિયા #ishankishan ટોચ પર છે.
Ishan Kishan became the most expensive player
Follow us on
ઇશાન કિશન (Ishan Kishan) વર્તમાન IPL સિઝનનો સૌથી મોંઘો ખેલાડી બની ગયો છે. મુંબઈ ઈન્ડિયન્સે 15.25 કરોડ રૂપિયા ખર્ચીને તેને ફરી એકવાર ટીમમાં સામેલ કર્યો છે. આ સાથે તે IPL ઓક્શન 2022નો સૌથી મોંઘો ખેલાડી બની ગયો છે. તેમજ હરાજીમાં વેચાયેલો બીજો સૌથી મોંઘો ભારતીય. તે તેની બેઝ પ્રાઈસ કરતા લગભગ આઠ ગણી વધારે કિંમત મેળવી શક્યો. પ્રથમ વખત મુંબઈ ઈન્ડિયન્સે કોઈ ખેલાડીને ટીમમાં સામેલ કરવા માટે હરાજીમાં 10 કરોડ રૂપિયાથી વધુનો ખર્ચ કર્યો છે. #ishankishan સોશિયલ મીડિયા પર પણ ટોપ ટ્રેન્ડમાં છે. મુંબઈ ઈન્ડિયન્સના ચાહકો પણ આ ખેલાડીની વાપસીથી ખૂબ જ ખુશ છે અને આ હેશટેગ સાથે તેમની પોતાની પ્રતિક્રિયાઓ પણ શેર કરવામાં આવી રહી છે.
ઈશાન કિશનના મુંબઈ પરત ફરવાથી તેના ચાહકો ખરેખર ખુશ છે. એક યુઝરે લખ્યું, ‘મને લાગે છે કે રોહિત શર્મા પછી, MI પોતાના નવા કેપ્ટન તરીકે ઈશાનને જ જુએ છે.’ મીમ શેર કરતી વખતે અન્ય એક યુઝરે લખ્યું, ‘યહાં જલવા હૈ હમારા’.
