Aafat ગીત પર ‘હેલ્મેટ બોય’એ કર્યો એવો આકર્ષક ડાન્સ કે લોકો જોતા જ રહી ગયા, જુઓ Viral Video

વિજય દેવેરાકોંડા અને અનન્યા પાંડેની ફિલ્મ ‘લાઈગર’ (Liger) ભલે લોકોને થિયેટરોમાં આકર્ષવામાં નિષ્ફળ રહી હોય, પરંતુ તેના ગીતો બધાને મગજ પર ચડી ગયા છે. હવે જરા જુઓ આ વીડિયો જે વાયરલ થઈ રહ્યો છે. રેડ સિગ્નલ પર હેલ્મેટ પહેરેલા એક છોકરાએ લાઈગરના ગીત ‘Aafat’ પર એવી રીતે ડાન્સ કર્યો છે કે લોકોને વારંવાર વીડિયો (Viral Video) જોવો ગમે છે. નેટીઝન્સ આ હેલ્મેટ છોકરાના ડાન્સિંગ સ્પિરિટ અને આત્મવિશ્વાસના વખાણ કરી રહ્યા છે. અમને ખાતરી છે કે, વીડિયો જોયા પછી તમે પણ આ છોકરાના જબરા ફેન બની જશો.

વાયરલ થઈ રહેલા વીડિયોમાં તમે જોઈ શકો છો કે રેડ સિગ્નલ પર વાહનો રોકાય છે. ત્યાંથી, હેલ્મેટ પહેરેલો એક છોકરો બાઇક પરથી ઉતરે છે અને વિજય દેવરાકોંડાની ફિલ્મ લાઈગરના ગીત ‘આફત’ પર અદ્ભુત ડાન્સ મૂવ્સ બતાવવાનું શરૂ કરે છે. આ દરમિયાન ટ્રાફિકમાં રોકાયેલા બાકીના લોકો પણ છોકરાના ડાન્સની ખૂબ મજા લે છે. મજાની વાત એ છે કે રેડ સિગ્નલ પૂરો થાય તે પહેલા જ આ છોકરો પોતાના ડાન્સથી લોકોના દિલ જીતી લે છે. પછી બાઇક પર બેસીને નીકળી જાય છે. તો ચાલો જોઈએ આ વીડિયો.

વીડિયોમાં જૂઓ, ‘આફત’ ગીત પર છોકરાએ કર્યો અદભુત ડાન્સ….

આ શાનદાર ડાન્સ વીડિયોને યુટ્યુબ પર subodh londhe નામની ચેનલ પર શેર કરવામાં આવ્યો છે. તાજેતરમાં અપલોડ કરાયેલો આ વીડિયો ઇન્ટરનેટ પર ધૂમ મચાવી રહ્યો છે. વીડિયોને 1.4 લાખ વ્યૂઝ મળ્યા છે, જ્યારે હજારો લોકોએ તેને લાઈક કર્યો છે. આ સંખ્યા સતત વધી રહી છે. આ વીડિયો નેટીઝન્સ દ્વારા એટલો પસંદ કરવામાં આવી રહ્યો છે કે લોકો તેને વારંવાર જોઈ રહ્યા છે. આ સિવાય યુઝર્સ પણ પોતાનો પ્રતિભાવ નોંધાવી રહ્યા છે.

એક યુઝરે કોમેન્ટ કરતાં લખ્યું છે, ભાઈ માઈન્ડ બ્લોઈંગ. શું કોરિયોગ્રાફ કર્યું છે? તે જ સમયે, અન્ય યુઝરે કોમેન્ટ્સ કરતાં લખ્યું છે, તમારા આત્મવિશ્વાસની પ્રશંસા થવી જોઈએ. આટલા બધા લોકો વચ્ચે પણ અદભૂત ડાન્સ કર્યો. અન્ય યુઝરે લખ્યું છે કે, આ ડાન્સ પછી હું તમારો ફેન બની ગયો છું. એકંદરે આ વીડિયો લોકોને ઘણો પસંદ આવી રહ્યો છે.