રોબોટને પણ પાછળ રાખી દે એટલી ઝડપથી કામ કરતો જોવા મળ્યો સરકારી બાબુ-જૂઓ Viral Video

જ્યારે પણ કોઈ સરકારી કચેરીનું નામ (Government office) આપણી સામે આવે છે ત્યારે આપણા મગજમાં સુસ્ત કર્મચારીઓ, સામે રખાયેલા કાગળોના ઢગલા અને ફાઈલોની ધૂળ જેવી બાબતોના ચિત્રો ઊભરવા લાગે છે. જો કે, બદલાતા સમય સાથે વસ્તુઓ પણ બદલાઈ છે, હવે રોબોટ કર્મચારીઓ સરકારી કચેરીઓમાં કામ કરી રહ્યા છે. લોકોને દરેક વસ્તુ સમયસર મળી રહી છે. આ નિવેદન સાથે સંબંધિત એક એવો જ વીડિયો સોશિયલ (Social media) મીડિયા પર ચર્ચામાં છે. જેમાં એક કર્મચારી રોબોટની જેમ ઘણું કામ કરી રહ્યો છે, તેની સ્પીડ જોઈને લાગતું નથી કે તે કોઈ સરકારી કર્મચારી છે.

વાયરલ થઈ રહેલી આ ક્લિપ કોઈ સરકારી ઓફિસની લાગે છે, જ્યાં એક વ્યક્તિ ખૂબ જ ઝડપે પેપર પર સ્ટેમ્પ લગાવી રહ્યો છે. આ દરમિયાન વ્યક્તિની સ્પીડ એટલી ઝડપી હોય છે કે તેને જોઈને આશ્ચર્ય થાય છે કે આજ સુધી ભાગ્યે જ કોઈ સરકારી ઓફિસે આટલી ઝડપી ગતિએ કામ કર્યું હશે.

અહીં વીડિયો જુઓ….

આ ચોંકાવનારો વીડિયો સંજય કુમાર નામના વ્યક્તિએ ટ્વિટર પર શેયર કર્યો છે, જે જિલ્લા કલેક્ટર છે. વીડિયોની સાથે તેણે કેપ્શન આપ્યું કે ‘જવાબદારી’ જ આપણને ‘માનવ’માંથી ‘મશીન’ બનાવે છે..! સમાચાર લખાય છે ત્યાં સુધી આ વીડિયોને 21 હજારથી વધુ લોકો જોઈ ચૂક્યા છે. આ સિવાય લોકો વીડિયો પર કોમેન્ટ કરીને પોતાનો પ્રતિભાવ આપી રહ્યા છે.

વીડિયો જોયા બાદ એક યુઝરે લખ્યું, ‘લાગે છે કે આજે વ્યક્તિએ વહેલા ઘરે જવાનું હશે..! સાથે જ એક યુઝરે લખ્યું કે જો આ પ્રકારનું કામ દરેક સરકારી ઓફિસમાં થવા લાગે તો ભારત અમેરિકાથી આગળ નીકળી જશે.