શું Hrithik Roshan સાથે ‘બર્ગર કિંગ’ કંપનીએ કરી છેતરપીંડી ? જાણો સમગ્ર ઘટના

બોલીવુડ અભિનેતા (Bollywood Actors) ઋત્વિક રોશન અને બર્ગર કિંગના નવા સ્ટનર મેનૂ પોસ્ટરના (Stunner Menu Poster) હાલના વીડિયોએ ઇન્ટરનેટને ચોંકાવી દીધું. હૃતિક રોશન (Hrithik Roshan) જ્યારે મુંબઈની ફિલ્મ સિટીમાં હતો ત્યારે એવું લાગતું હતું કે બર્ગર કિંગે તેની જાણ વગર જ ઝડપથી જાહેરાત કરી દીધી અને તેણે તેની નોંધ પણ લીધી ન હતી. સોશિયલ મીડિયા પર આ વીડિયો વાયરલ થતાં જ લોકો વિચારવા લાગ્યા કે હૃતિક રોશનને તેના વિશે કંઈ ખબર નથી. જો કે આ વીડિયો હવે સોશિયલ મીડિયા પર ઘણો વાયરલ થઈ રહ્યો છે. માત્ર 20 સેકન્ડના આ વીડિયોએ ઈન્ટરનેટ પર ધૂમ મચાવી દીધી છે.

હકિકતમાં આ વીડિયોને ઘણો પસંદ કરવામાં આવી રહ્યો છે. આ સાથે યુઝર્સ આ વીડિયો બનાવવાના આઈડિયાના વખાણ પણ કરી રહ્યા છે.

વીડિયોમાં જોઈ શકાય છે કે હૃતિક રોશન પોતાની વેનિટી વેનમાંથી બહાર નીકળતાં જ પાપારાઝીને જોઈને તેમના માટે પોઝ આપવા લાગે છે. વીડિયોમાં બતાવવામાં આવ્યું છે કે અભિનેતાને પણ આ વાતની જાણ નથી. હૃતિકને ખબર નહીં હોય કે બર્ગર કિંગે તેની પાછળ બિલબોર્ડ લગાવ્યું હતું. જેથી તે તેમના ’50 રૂપિયાના સ્ટનર મેનૂ’ને સપોર્ટ કરી રહ્યો હોય. હેમબર્ગર ફાસ્ટ-ફૂડ ચેઈનની ‘જુગાડ’ જાહેરાતે ઓનલાઈન ખૂબ જ હલચલ મચાવી છે.

અહીં જૂઓ ટ્વીટ……..

12 જૂને ટ્વિટર પર જાહેરાતનો વીડિયો શેયર કરતાં રોશને લખ્યું, ‘@burgerkingindia, not well done.’

હકિકતમાં બર્ગર કંપનીએ તેની નવી જાહેરાત બહાર પાડી છે. કંપનીએ આ એડને ‘જુગાડ’ નામ આપ્યું છે. આ જાહેરાત સંપૂર્ણપણે તેના શીર્ષકને અનુરૂપ છે. આ વીડિયો જોઈને દરેકને કંપનીની જાહેરાત કરવાની આ રીત ખૂબ જ પસંદ આવી રહી છે.

આ વીડિયો જોયા પછી રિતિક રોશનની પ્રતિક્રિયા પણ સામે આવી છે. તેના ટ્વિટર એકાઉન્ટ પર આ જાહેરાતનો વીડિયો શેયર કરતાં અભિનેતાએ લખ્યું, “તે સારી રીતે કરવામાં આવ્યું નથી. સોશિયલ મીડિયા યુઝર્સ આ નવીન જાહેરાતથી આશ્ચર્યચકિત થઈ ગયા. રિતિકની પોસ્ટ શેયર કરવામાં આવી ત્યારથી તેને 4,24,879 લાઈક્સ મળી છે. આ વીડિયોને બર્ગર કિંગે પણ ટ્વીટ કર્યો હતો. હૃતિકની પોસ્ટ પર કોમેન્ટ કરતાં બર્ગર કંપનીએ લખ્યું કે, “માફ કરજો હૃતિક, અમારી પાસે આ સિવાય બીજો કોઈ વિકલ્પ નહોતો.

આ વીડિયો બનાવવા પાછળની વિચારસરણી કંપનીના બાકીના લોકોને પણ પસંદ આવી રહી છે. લાંબા સમય પછી કંપનીએ તેની જાહેરાતમાં સર્જનાત્મકતા બતાવી છે. કદાચ આ જ કારણ છે કે આ વીડિયોને ખૂબ જ ઓછા સમયમાં હજારો વખત જોવામાં આવ્યો છે.