Cyber Security : એક ભૂલ તમારુ એકાઉન્ટ કરી શકે છે ખાલી, બચવા માટે કરો આટલું
ઇન્ટરનેટ બેંકિંગ કે કોઈ પણ પ્રકારના ફાઇનાન્સિયલ એકાઉન્ટ માટે અઘરો પાસવર્ડ વાપરવો જોઈએ અને સમય સમય પર પાસવર્ડ બદલતાં રહેવાથી તમારુ એકાઉન્ટ સુરક્ષિત થઈ શકે છે.
આજકાલ વધુમાં વધુ લોકો ઇન્ટરનેટ અને મોબાઈલ ફોનના માધ્યમથી બેંકિંગ કરી રહ્યા છે જેમાં યૂપીઆઈનો વપરાશ પણ વધી ગયો છે. લોકોને જેટલી સગવડ મળી રહી છે, પરંતુ ઠગો માટે પણ છેતરપિંડી કરવાનું સરળ બની ગયું છે. ઇન્ટરનેટ અને મોબાઈલ ફોન પર બેંકિંગ ખતરનાક છે ઘણા એવા મામલાઓ પણ સામે આવ્યાં છે જેમાં ઇન્ટરનેટ બેંકિંગ દ્વારા ફલાણી વ્યક્તિએ આટલા રૂપિયા ગુમાવ્યા છે. આજકાલ લોકોને અલગ અલગ રીતે ઠગવામાં આવે છે. કેટલીક વાર તો સાઇબર ક્રાઇમ કરનારા ઠગો બેંકના નામે બોગસ વેબસાઈટ બનાવીને લોકોને છેતરે છે તો ક્યારેક ઓટીપી માંગીને છેતરે છે તો આવો જાણીએ કે ઇન્ટરનેટ બેંકિંગ કરતી વખતે શું શું સાવધાની રાખવી જોઈએ.
સૌથી પહેલાં તો આ વાત જાણી લેવી જોઈએ કે જ્યાં સુધી કોઈ ટ્રાંજેક્શન નહીં થાય ત્યાં સુધી તમારા ફોન પર ઓટીપી આવશે નહીં અને વગર ટ્રાંજેક્શન કર્યે ઓટીપી આવે તો સાવધાન થઈ જવું જોઈએ કેમકે આનો અર્થ એ છે કે સાઇબર ક્રાઇમ કરનાર પાસે પહેલેથી જ તમારી બેંક એકાઉન્ટ વિશે જાણકારી છે.
આવી છેતરપિંડીથી બચવા માટે સૌથી સરળ રસ્તો એ છે કે સમય સમયે તમારી બેંકને તમારા મોબાઇલ નંબર વગેરેની જાણકારી આપતાં રહો. જો તમારો મોબાઇલ નંબર બદલાઈ જાય તો એની માહિતી બેંકને તરત જ આપો.
આ ઉપરાંત અઠવાડિયામાં એક વખત તમારા ક્રેડિટ કાર્ડ એકાઉન્ટની ડિટેઇલ ચેક કરી લો. તમારા ફોન પર અથવા ઈ મેઈલ આઇડી પર કોઈ પણ પ્રકારની શંકાસ્પદ લિંક આવે તો એનાં પર ક્લિક કરવાનું ટાળવું જોઈએ. એમ છતાં જો ભૂલથી ક્લિક થઈ જાય તો કોઈ પણ ઓનલાઇન ફોર્મ ન ભરવો. આ ફિસિંગ એટેક નામની રીતે પણ ઠગ ટોળકી છેતરપિંડી કરી શકે છે. આનાં દ્વારા લોકોની ખાનગી માહિતી જેમ કે મોબાઈલ નંબર, ઈ મેઈલ આઇડી ઈન્ટરનેટ બેંકિંગ આઇડી જેવી જાણકારી મળી જાય છે.
ઇન્ટરનેટ બેંકિંગ કે કોઈ પણ પ્રકારના ફાઇનાન્સિયલ એકાઉન્ટ માટે અઘરો પાસવર્ડ વાપરવો જોઈએ અને સમય સમય પર પાસવર્ડ બદલતાં રહેવાથી તમારા એકાઉન્ટ સુરક્ષિત થઈ શકે છે. પાસવર્ડ માટે જન્મ દિવસની તારીખ મોબાઇલ નંબર કે વાહનોનાં નંબર વગેરે ન વાપરવા જોઈએ.
આ પણ વાંચો –
ગુજરાતમાં ભાજપ સરકાર ચલાવવામાં નિષ્ફળ, દોષનો ટોપલો વિજય રૂપાણી પણ ઢોળયો: ભરતસિંહ સોલંકી
આ પણ વાંચો –
ગર્લફ્રેન્ડે બોયફ્રેન્ડને આપ્યો રિલેશનશિપનો કોન્ટ્રાકટ, સંબંધ નિભાવવા માટે રાખી આ 17 પેજની અજબ-ગજબ શરત
આ પણ વાંચો –