Viral: કૂતરા અને બિલાડી વચ્ચે થયો જોવાજેવો ખેલ, બિલાડીની ચાલાકી જોઈ લોકો દંગ રહી ગયા !
એક વીડિયો આજકાલ સોશિયલ મીડિયા પર ખૂબ વાયરલ (Viral Videos) થઈ રહ્યો છે, જેમાં કૂતરો અને બિલાડી સાથે રમતા જોવા મળે છે.
દુનિયામાં ઘણા પ્રાણીઓ છે, પરંતુ તેમાંથી થોડાક જ એવા છે, જેને લોકો પાળે છે. તેમાંથી, કૂતરા અને બિલાડીઓ પ્રથમ નંબરે છે. વિશ્વમાં જો કોઈ પ્રાણીને સૌથી વધુ રાખવામાં આવે છે, તો તે કૂતરા અને બિલાડી (Dogs and Cats) છે. તેમને ઉછેરવાનું સૌથી મોટું કારણ એ છે કે તેઓ માણસો સાથે એટલા ભળી જાય છે કે લાગે જ નહીં કે પ્રાણીઓ છે. કેટલાક લોકો તેમના પાલતુ પ્રાણીઓને તેમના પરિવારના સભ્ય માને છે અને તેમને દરેક એશો-આરામ આપે છે જે માણસોને મળે છે.
લોકો તેમના પાલતુ પ્રાણીઓ સાથે ખૂબ રમે છે અને પ્રાણીઓ પણ તેમની બધી વાત માનતા હોય છે. જો કે કૂતરા અને બિલાડી એકબીજાના જાણીતા દુશ્મન માનવામાં આવે છે, પરંતુ ક્યારેક તેમની મિત્રતા પણ જોવા મળે છે. આવો જ એક વીડિયો આજકાલ સોશિયલ મીડિયા પર ખૂબ વાયરલ (Viral Videos) થઈ રહ્યો છે, જેમાં કૂતરા અને બિલાડીઓ સાથે રમતા જોવા મળે છે.
વીડિયોમાં તમે જોઈ શકો છો કે ઘરના કોરિડોરમાં ક્રીમની કેટલીક ટ્યુબ અને મેકઅપ કિટ સજાવવામાં આવી છે અને એક બિલાડી તેને સ્પર્શ કર્યા વિના તેમાંથી પસાર થવાનો પ્રયાસ કરી રહી છે. તે એવી રીતે ચાલી રહી છે કે જાણે ત્યાં ડાયનામાઈટ છૂપાવ્યો હોય. જો કે બિલાડી કંઈપણ જોયા વિના સ્પીડમાં ત્યાંથી નીકળી જાય છે, પરંતુ કૂતરાએ જે કર્યું તે જોયા પછી, તમે હસી પડશો.
Cat vs dog.. 😅 pic.twitter.com/ZrGrYFcVUz
— Buitengebieden (@buitengebieden_) February 17, 2022
વાસ્તવમાં, કૂતરો થોડો વધુ સ્પીડમાં આવ્યો અને ત્યાં રાખેલી બધી વસ્તુઓને વેરવિખેર કરી દીધી અને પોતે પણ પડી ગયો. આ વીડિયો જોઈને તમે બિલાડી અને કૂતરાના મગજ વચ્ચેના તફાવતનો ખ્યાલ મેળવી શકો છો. જ્યાં બિલાડીએ તેના મગજનો ઉપયોગ કર્યો, ત્યાં કૂતરાએ મગજનો ઉપયોગ કર્યા વિના કામ કર્યું અને કામ બગાડ્યું.
આ ફની વીડિયોને સોશિયલ મીડિયા પ્લેટફોર્મ ટ્વિટર પર @buitengebieden_ નામથી શેર કરવામાં આવ્યો છે. માત્ર 19 સેકન્ડના આ વીડિયોને અત્યાર સુધીમાં 7 લાખ 50 હજારથી વધુ વ્યૂઝ મળી ચૂક્યા છે, જ્યારે 42 હજારથી વધુ લોકોએ વીડિયોને લાઈક પણ કર્યો છે. લોકોએ વીડિયો જોયા પછી વિવિધ પ્રકારની પ્રતિક્રિયાઓ આપી છે. એક યુઝરે બિલાડી વિશે લખ્યું છે કે, ‘આને કહેવાય ચાલાકી’, જ્યારે અન્ય એક યુઝરે બિલાડીને આ અનોખી ગેમની વિજેતા ગણાવીને કમેન્ટ કરી છે.
આ પણ વાંચો: મેટાવર્સ 10 વર્ષમાં ડેટાનો ઉપયોગ 20 ગણો વધારશે, ભારતમાં આ ઉદ્યોગની બદલશે દશા અને દિશા
